Union Finance Minister hova Pre-Budget Meeting ah Mizoram tana pawimawh te thlen a ni

Nimin khan Union Finance Minister, Nirmala Sitharaman-i hovin India rama States and Union Territories a Finance Minister te chuan Pre-Budget Meeting an nei a. He hunah hian Mizoram a\angin Taxation Minister, Lalchamliana pawh telin Mizoram tana thil pawimawh pathum a thlen.

NDMC Convention Center, New Delhi-a Pre-Budget Meeting-ah hian Mizoram a\anga tel Taxation Minister, Lalchamliana chuan Mizoram leh North East State te tana Non-Lapsable Central Pool of Resources (NLCPR) Scheme a \angkai zia sawiin, Fund tihhniam a ni ta erawh chuan harsatna a thlen nasa hle tih a sawi a. Project tam tak kal lai Fund pek chhunzawm turin a rawt a. Tuna Scheme thar North East Special Infrastructures Development Scheme (NESIDS) in State te mamawh a phuhruk zawh loh viau avangin tunhmaa NCLPR a Fund pek ang zah tal NESIDS hnuaiah pek nise \ha a tih thu a sawi a. Tlang ramah chuan phai ram aiin hnathawh a harsain a man a sang em em bik tih pawh sawiin, tlang ram ho tan bik rate item leh hnathawh zawh hun chhung bitukah kal dan phung (norms) hran neih hial \ul a tih thu pawh sawiin, Externally Aided Project tih dawna a kalkawng thui lutuk leh hun sen tam lutuk chungchang pawh a sawi a, clearance pek chungchang pawh Sawrkar laipui hnuaiah Steering Committee neia kalphung \ha zawk siam (streamline) a tul thu a sawi bawk.

He Meeting-ah hian Union Finance Minister, Nirmala Sitharaman chuan Union Budget chuan State tin te budget thui tak a hril avanga a pawimawhna hrang hrang a sawi a. 14th Finance Commission hun tawpa 15th Finance Commission kan luh dawn avangin thlir tur leh ngaih pawimawh tur tam tak a awm thu sawiin, State te hnena Tax devolution pawh 13th Finance Commission-a 32% a\ang khan 14th Finance Commission-ah chuan 42% ah a pun thu a sawi a. 15th Finance Commission kan luh dawn hian Centrally Sponsored Schemes te, Tax devolution te, Union a\anga State a sum pek dan (Cash flow) te pawh uluk taka ruahman a \ul ang, a ti a. State tin te pawhin budget an buatsaih laiin duh leh \ha tih an ngah \hin a, a taka an pawisa hman nen a inmillo deuh te a awm fo \hin tih sawiin, budget an lo buatsaih tawhah te sum hmanna pawimawh zual te thlirnawna zirchian fo a \ul thu leh Central in State a sum a pek hman \angkai leh hman dik chu State te mawh a nih thu a sawi bawk.