Mizoram State Rural Livelihoods Mission (MzSRLM) leh Rural Development Department buatsaih, thingtlanga kut hnathawktu hmei-chhiate kut chhuak zawrhna, Sale of Articles of Rural Artisans Society (SARAS) Fair vawi 6-na chu nimin khan Assembly Annexe Conference Hall-ah Rural Development Minister, Lalruat-kima’n a hawng.
He Fair hawnna ah hian RD Minister chuan sawrkar chuan thingtlanga chengte chawikanna tur Schemes leh Programme hrang hrangte a ngai pawimawh a, theihtawp chhuahin ruahmanna a duang zel a ni, tiin chhungkua leh khawtlang chawikang thei MzSRLM pawi-mawhna hriat a tul thu a sawi a. MzSRLM hnuaia Self Help Group (SHG) member ten thahnem ngai takin an thawk a, harsatna hrang hrang pawh an tawng thin tih sawrkar chuan a hriatpui a, an harsatna ah MzSRLM chuan SHG member te a chhawmdawl zel dawn a ni, a ti bawk.
Nimin a SARAS Fair hawnna ah hian Award hrang hrang semchhuah nghal a ni a. Award semte hi MKSP Project hnuaia Agriculture leh Livestock Community Resource Person thawktha mi 8 hnenah te; Village Organization sum puk kawnga titha- Hualtu VO, Thingdawl VO-I, Bilkhawthlir North VO hnenah te; SHG hmasawnna tura thawktha Branch Manager pathum Christopher V.L Famkima, MRB Khaw-bung Branch, Lalfakzuali, Mizoram Co-operative Apex Bank Siaha Branch leh Omega Leivon Kom, State Bank of India Ngopa Branch hnenah Champion Banker Award hlan an ni.
Hei bakah hian kum 2018-19 chhunga MZSRLM hnuaia Block tha bera thlanchhuah pathum- Zawlnuam RD Block, Sangau RD Block leh Serchhip RD Block hnenah te Award hlan a ni bawk. SARAS Fair-ah hian Mizoram chhung hmun hrang hrang Block 18 atangin Self Help Group member mi 166 ten dawr an hawng a ni.
Comments
Post a Comment