Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Khawvel pumah World Soil Day hman a ni

Nimin December 5 kha World Soil Day a ni a. Mizoram sawrkar-a Agriculture Department (Crop Husbandry) buatsaihin World Soil Day hi hman a ni a, Farmers Workshop neih nghal a ni bawk.
Directorate of Agriculture Conference Hall-a World Soil Day puala inkhawm hi Agriculture Director, Rohmingthanga Colney chuan kaihruaiin Agriculture Department-a Commissioner & Secretary, Lalhmingthanga IAS chuan khuallian niin a hmanpui a, khuallian chuan lei chunglang hanna luangral zel chu khawvel pumpuia loneitute tan leh, a bikin tlangram loneitute tan a pawi em em tih sawiin, hemi titawp tura theihtawp chhuah a tul thu a sawi a. He huna kal khawmte chu hemi kawngah hian thahnem ngai taka hma la turin a chah bawk.
Nimin-a he hun hmanna ah hian Aizawl pawn lam atangin Soil Health Card Scheme hnuaia District tina Model Village te aiawhin loneitu 2 theuh an tel a. Chawhnu hunah Farmers Workshop neih chhunzawmin H.Zodinpuii, Asst.Soil Chemist chuan lei endik tura lak dan leh lei enkawl dan te, Soil Health Card pawimawhna chungchangah te zirtirna a pe a. Loneitute chu Soil Testing Laboratory te enpui an ni bawk.
World Soil Day hi kum 2014 atang khan kumtin December ni 5-ah thupui hrang hrang neia hman thin a ni a. Kumin hian ‘Stop Soil Eriosion, Save Our Future’ tih chu thupui-ah hman niin Food and Agriculture Organisation (FAO) chut danin second 5 tin hian Football Field pakhat tiat vel hi lei chunglang hanna luang ral reng ang a ni a. Hei hian a nghawng chu thlai tharchhuah a tlakhniam phah nasa em em a ni.

Comments

Popular News (Last 30 Days)