Serchhip District chhunga NSS Volunteer te tana ‘Training on Capacity Building of Leadershhip and Personality Development through Life Skill’ chu nimin khan Govt. Serchhip College-ah neih tan niin tunkar Inrinni thleng a awh ang.
Serchhip District chhunga NSS Volunteer leh Programme Officer mi 50 te tana buatsaih he Training hawnna hi nimin tlai khan neih niin Govt. Serchhip College Principal, Lalremsiama chuan khuallian niin a hawng a, he hunah hian khuallian chuan NSS thiltum te chu mimal nun siamthat nan leh kan Society hmasawnna atan thil pawimawh leh tangkai a nih thu sawiin, NSS chu zirlai ten ram leh hnam, khawtlang leh mahni chhungkua ah hmasawnna turin mawhphurhna leh tihtur tam tak an nei ve tih an in hriatna tur a nih thu a sawi bawk.
Govt. Serchhip College-a NSS Prog-ramme Officer, Beihrosa kaihhruai he hunah hian C. Lalramliana, Camp Director chuan he Training an buatsaih dan leh hun an hman dan turte sawiin, training an neih chhung hian programme duansa bakah mimal in hma an sawn theihna tur thil chi hrang hrang an zir nghal dawn thu a sawi a. Hmeichhia ten buhthlei zirin Mipa in Electric fitting an zir anga, Home te tlawhin Paper Bag siam dan te pawh an zir dawn thu a sawi bawk.
He hunah hian Brilliant HSS NSS Unit-a Programme Officer, TC. Lalrinnunga pawhin thu sawiin eng kawngah dingchhuak turin kan in fit a pawimawh thu leh lehkha zirna ah pawh dingchhuak tura fit a pawimawh thu a sawi a, chutiang atana an hman tangkai theih tur hetiang hun buatsaih a ni chu lawmawm a tih thu a sawi bawk.
Serchhip District chhungah hian Higher Secondary School 4 leh College pakhat-ah NSS Unit 16 awmin nimin a neih tan he Training-ah hian NSS Volunteer mi 43 leh Programme Officer mi 7, an vaiin mi 50 an tel a, Training an neihna hmunah hian riakin tunkar Inrinni thleng hun an hmang dawn a ni.
.jpeg)
Comments
Post a Comment