M/S Zonal Sports nei tan

By -
Serchhip South Zone Middle School Sports chu nimin khan DC Playground, Khawtetlang-ah neih tan niin tunkar Ningani-ah zawh hman beisei a ni.
Serchhip South Zone Middle School Sports hi nimin chawhma dar 10:00 khan he Sports Convener leh Govt. M/S Serchhip Headmistress, Vanlalremi chuan zirlai naupangte fuihna thu sawiin a hawng a, hemi hnu hian zirlai nau-pang ten Lalhmingliana, Headmaster, Govt. Chan-mari M/S kaihhruaina hnuaiah thianghlim taka inelna nei tura thutiam lain inelna neih zui nghal a ni. Serchhip South Zone huamchhungah hian zirna In 8 awmin heng zingah hian Serchhip khaw pawn atangin Govt. Hriangtlang M/S chu an tel a. Kumin hian Govt. Hriangtlang M/S hian aiawh an rawn intirh loh avangin zirna In 7 ten infiamna chi hrang hrangah inelna an nei dawn a ni.
Nimin-a he Sports hawnna hun hi Orga-nising Committee Chairman, T. Zapuithanga chuan a kaihruai a, Vawiin khan item hrang hrangah inelna neih nghal niin naktuk Ningani-ah zawhfel hman beisei a ni.

Comments

Post a Comment

Popular posts from this blog

Eiruk thubuai-ah Serchhip-a Excise Office leh Treasury Office-a thawk thin thiamloh chantir an ni

By -
Image
Serchhip-a Excise & Narcotics Department Office-a eirukna thubuai ah Special Judge (Prevention of Corruption) Dr. HTC. Lalrinchhana chuan a hunlai-a Serchhip-a Superintendent of Excise Rongura, Luangmual, Aizawl leh Treasury Office-a Asst. Account Officer Suakngura, P&E Veng Serchhip te thiamloh chantirin karleh Thawhtanni, March ni 20, 2023 khian hremna puan a ni ang.
Kimchang zawkin »