Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram State Games-a Serchhip bial aiawha Medal la te chawimawina hun hman a ni

Mizoram State Games neih zawh taka Serchhip bial aiawha Medal la te chawimawina leh lawmpuina hun chu nimin khan neih niin Serchhip bialtu MLA chuan Serchhip bial tana Madal la te tan hian Incentive Cash Award a buatsaih chu he hunah hian sem nghal a ni.

Mizoram State Games neih zawh taka Serchhip Bial tana Medal la te chawimawina leh lawmpuina hun nimin tlai-a Working Committee Chairman, H. Dolianbuaia chenna In a neih hi Committee Vice Chairman, C. Lalramchhana chuan a kaihruai a, Working Chairman Serchhip DRDA Project Director ni bawk, H. Dolianbuaia chuan Mizoram State Games neih zawh taka Serchhip bial atanga infiammi tel te leh anmahni buaipuitute chungah lawmthu sawiin, an beisei ang vekin hlawhtlinna chang lo mah se an thlen chin chu lawmawm a tih thu a sawi a. He Games neihna tura Serchhip bialtu MLA leh Committee Chairman ni bawk, Lalduhoma inpekna leh a hmalakna chu lawmawm a tih thu sawiin, he Games-a Serchhip bial a tel theihna tura thawktute zawng zawng chungah lawmthu a sawi bawk.
Nimin a he hun hmanna ah hian Organising Committee Secretary, Vanlalhruaia chuan Mizoram State Games neih zawh taka Serchhip bial inbuatsaihna leh an thlen chin te tarlangin, Mizoram State Games neih zawh takah hian Serchhip bial hian infiamna chi 22-ah infiammi leh anmahni hruaitu mi 213 tirin Serchhip bial hian infiamna chi hrang hrang 8-ah Gold Medal 3, Silver Medal 10 leh Bronze Medal 10, a vaiin Medal 23 an lak thu a sawi a. Serchhip Bial tana Gold Medal latute hi HT. Lalengmawii (Tennis), Remlalnghaka (Wrestling) leh Lalawmpuia (Wrestling) te niin Silver Medal latute hi R. Ramdinsanga (Athletic), Lalnunkima (Shooting), Saihmingthanga Sailo (Shooting), Lalhmangaihsanga (Taekwondo), Samuel Lalnunmawia (Taekwondo), R. Lalbiaknuami (Taekwondo), TC. Lalrinhlua (Wrestling), Benjamin Lalnunfela (Wrestling) leh Vanlalruata (Wrestling-ah Medal 2 a la) te an ni.
Bronze Medal latute hi H. Lalnunfela (Boxing), Malsawmtluanga (Indigenous Games), H. Lalthlamuana, (Teakwondo), Ruthi Lalhruaizeli (Teakwondo), K. Vanlalhriatpuii, (Taekwondo), Ronie Zorinpuia (Wrestling), Remsangzuala (Wrestling), Kawlhmingthangi (Wrestling) leh B. Lalruatpuia (Table Tennis) bakah Volleyball Women Team te an ni a. Heng mite tan hian Serchhip bialtu MLA, Lalduhoma chuan Incentive Cash Award buatsaihin nimin a he hun hmanna ah hian semchhuah nghal a ni a, Gold Medal latute hi Rs. 1500/- theuh hlanin Silver Medal latute hi Rs. 1000/- leh Bronze Medal latute hi Rs. 500/- theuh hlan an ni bawk.

Comments

Popular News (Last 30 Days)