Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Sumdawnna ah Hmeichhia tam

Serchhip Bazar leh a chhehvel-a sumdawnna dawr hrang hranga thawktu zingah Hmeichhia an tam hle a, Hardware dawr tihloh dawr dangah chuan a tam zawk hmeichhia niin Sa zawrhna zingah Ar leh Sangha zuartu ah a tam zawk Hmeichhia an ni bawk.
Serchhip DIET zirlai ten tunhnaia sumdawnna chungchanga Mipa leh Hmeichhia a awm leh awmloh zirchianna an neih atanga an thil zirchhuah ah he thu hi tarlan a ni a, he zirchianna ah hian Serchhip Bazar-a Hardware dawr, Cosmetic dawr, Puanthuina dawr, Variety Store leh Tea Stall te bakah Sa zawrhna te tlawh a ni a. Hardware dawr 5 an tlawh zingah hnathawktu mi 8 awmin heng te hi mipa vek an ni a, Cosmetic zawrhna dawr 6 an tlawh zingah thawktu mi 7 awmin heng te hi hmeichhia vek an ni thung.
Puanthuina dawr 5 tlawhin hmeichhia 18 zet thawk an awm laiin mipa erawh 5 chiah an thawk a, Variety Store 8 an tlawh ah hmei-chhia hnathawk 15 awmin mipa 11 an awm bawk a, Thingpui dawr-ah hmeichhia hnathawk 26 an awm laiin mipa chu 2 chiah an thawk bawk a ni. Heng Dawr an tlawh zawng zawng 31-ah hian hnathawktu mi 92 awmin hnathawktu mipa 21 an awm laiin hmeichhia hnathawktu hi 66 zet an awm thung a, mipa aiin hmeichhia hi a let aiin an tam zawk a ni.
Sa zawrhna lamah pawh hmeichhia hnathawk hi an tam rih viau a, Sa zawrhna dawr 13 an tlawh zingah hnathawktu 30 awmin heng zingah hian mipa 13 an awm laiin Hmeichhia 17 zet an awm thung a, Sa zawrhna zingah hian Arsa zawrhna dawr 4-a hnathawktu mi 8 te chu hmeichhia vek niin Sangha zawrhna dawr pahnih-a thawktu pahnih awm pawh hmeichhia ve ve an ni a. Bawng sa zawrhna dawr 3 an tlawh ah hnathawktu mipa 5 an awm laiin hmeichhia 3 an awm bawk a, Vawk sa zawrhna dawr 4 an tlawh ah hnathawktu mipa 8 an awm laiin hmeichhia 4 an awm bawk a ni.

Comments

Popular News (Last 30 Days)