Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Sum leh pai enkawlna ah MNF sawrkar a hlawhchham - MPCC

Mizoram Pradesh Congress Committee (MPCC) chuan sum leh pai enkawlna ah MNF sawrkar a hlawhchham niin an sawi.
Nimin a thuchhuah an siamah MPCC Media Department chuan MNF sawrkar chuan December 15, 2019 khan kum khat tlingin he kum khat chhung hian hnathawh liantham, ram leh hnam tana chhuan tlak pakhatmah an nei lo ni mai lovin, sum leh pai enkawlna lamah an hlawhchham chiang hle tih an tarlang a. An sawrkar hnua an Budget hmasa ber 2019-2020 budget chu bumna hmangin bul an tan nia sawiin, “Hmasawnna hnathawhna tur sum an dah tlem a, sawrkar hnathawk hlawh leh anmahni enkawlna ah budget pumpui atangin 80% vel zet a kal a, MIPUI CHANVO a tlem hle. He budget 2019-2020 hi India rama state hrang hrang budget zingah kum hmasa budget atanga teh a hmasawnna hna thawh nana sum dah tlakhniam nasatna ber a ni a, Congress sawrkar lai aiin hmasawnna hna thawhna tur sum hi 18.7% zetin a tlem zawk a ni,” an ti a. Budget-a lang miah lo sum hmanna tur tam tak an siam belh nia sawiin, “MLA hlawh leh hamthatna nasa takin an tisang a, motor thar tam tak an lei belh bawk,” tiin MNF sawrkar hnuaiah chuan budget-in awmzia a nei lo tih an sawi a. “Kumtina sawrkar sum sen belhna tur (recurring expenditure) nasa takin an siam belh a, (eg. District thar hawn, sorkar hnathawk lak belh, School upgrade, etc). Hetihlai hian State sawrkarin sum a lakluh ve tur nasa takin an tihniam lawi si a, sum harsatna phuhruk nan Electric Bill leh Tui Bill an tisang ringawt mai a ni,” an ti bawk.
Hei bakah hian MPCC thuchhuah chuan Department hrang hrangah hmasawnna hna thawhna tur Major Works dah a tlem hle nia sawiin, “Finance Department-ah a khurpui atan, hmanna tur ruahman lawk lohin an dah teuh thung a. Chuvangin Minister hovin Chief Minister an intlawn rawn a, Minister che thei fal deuh an awm thuai mai a ni,” an ti a. “Congress sawrkarin Mizoram chu ‘Thawhchhuah nei State’ a hlankai tuma nasa taka hma a lak laiin MNF chuan ‘Sawichhuak tam thei’ State nihtir a tum thung a. Central lama economy nasa taka a tlakhniam avangin beisei angin an sawichhuak thei si lo a, hetiang a nih avang hian Chief Minister pawhin tawngkam thar a rawn chher chhuak a, Delhi tlang ka zu vaw dup a ti a, a nihna takah chuan hei hi beidawng aurawl a ni. Sum sawichhuah tuma kut an dawhna lamah Narendra Modi leh Amit Shah-ten Mizoram Chief Minister an lo vaw dup a, Hindu lal ram dinna tur CAB an thlawp phah ta hial zawk a ni,” an ti bawk.

Comments

Popular News (Last 30 Days)