Leitlangpui Rahbi Award semna neih a ni

Niminpiah tlai khan Deputy Chief Minister, Tawnluia chuan Lunglei HPC Conference Hall-ah Lunglei District huam chhunga Business Idea intihsiakna ‘Leitlangpui Rahbi’ Competition ti tha tlanchhuah Entrepreneur sawmpanga (15) te hnenah lawmman a hlan.
Leitlangpui Rahbi Award semna hun Lunglei DC, K. Lalrinzuali kaihhruaia neih ah hian Deputy Chief Minister, Tawnluia chuan Lunglei District tana Entrepreneurship intihsiakna hlawhtling tak buatsaihtu Planning & Programme Implementation Department leh HPC Lunglei te chungah lawmthu sawiin, Entrepreneurship hmalakna chu hun lo kal zel turah changtlung leh tha zawka kalpui a nih theihnan duhsakna a hlan a. Mizo thalaite zingah entrepreneurship lama tui tak tak, mahni kutkawiha dinchhuah tum, mi tumruh leh beiseiawm tam tak a hmu chu lawmawm a tih thu sawiin ‘Entrepreneurship’ chu Mizoram tan hmasawnna khawlpui (Engine of Growth) a la ni ngei dawn a ni, a ti bawk.
Leitlangpui Rahbi 2019, Micro Start Up Capital Competition hi kumin 6th June, 2019 khan hawn niin sumdawnna tan tawh leh sumdawnna idea nei mi 857 ten application thehlutin heng mite hi mithiam ten an kawmchian hnuah mi 86 te chu inel tura thlanchhuah leh an ni a. Heng mite hi Booth Camp neihpui leh an nih hnuah interview nei lehin mi 15-te chu an sumdawnna idea tihlawhtling tura puihna dawng tura thlanchhuah an ni.

Comments

Chhiar Hlawhte