Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Industrial Development Board thutkhawm neih a ni

Nimin khan Minister Dr. R. Lalthangliana kaihhruai Industrial Development Board Meeting Vawi 4-na chu Secretariat Conference Hall, MINECO-ah neih a ni.
Industrial Development Board Meeting-ah hian Board Chairman, Dr. R.Lalthangliana chuan eizawnna ngialnghet neih theihna, Prime Minister's Employment Generation Programme (PMEGP) hnuaia Industry hrang hrang Bank kaltlanga dil theih awmte a chhawrtu ten a tam thei ang ber an chhawr theih nan Nationalised Banks hotute hnenah loan dil theihna criteria te ennawn turin a ngen a, PMEGP a hlawhtlin theih nana Nationalised Bank leh Private Sector Bank te hmalak zel dan leh ruahmanna mipui tana an siam te sawrkar in a enzui tur thu a sawi bawk.
He Meeting-ah hian Draft Industrial Policy of Mizoram, 2019 sawiho a ni a, Handloom Industry atana tanpuina dawng thei tur te, SEDP hnuaia Village/Locality Industrial Development Committee leh District Level Industrial Development Committee a mawhphurhna la tu tur leh a dangte rel a ni.

Comments

Popular News (Last 30 Days)