HIV/AIDS do dan tur sawiho

Ministry of Health and Family Welfare hnuaia National AIDS Control Programme leh Mizo-ram sawrkar tangkawp chuan HIV/AIDS dona kawnga hmalak dan tur duangin Review Meeting of Integrated HIV/AIDS Action Plan, Mizoram an buatsaih a, he hun hi Health Minister, Dr. R. Lalthangliana chuan hmanpuiin Mizoram chhunga HIV/AIDS darh nasa lutuk do turin hemi kawnga hma latu mithiamte ngun leh zuala Mizote mizia, nunphung leh rilru puthmang zirchiang turin a sawm bawk. He hun hi Ministry of Health and Family Welfare hnuaia National AIDS Control Organisation-a Special Secretary leh DG (NACO & RANTCP), Sanjeeva Kumar pawhin rawn hmanpuiin Mizoram sawrkarin HIV/AIDS do na tur budget-ah sum dah a tum leh hma a lak mek dan te thlirin HIV/AIDS dona kawngah State Sawrkarin theihtawp a chhuah tih a lang a ni, a ti bawk.