EMRS tan PHE Department in Tui pump sak thei ta

/
PHE Department-in Serchhip Kawlri tlang-a Eklavya Model Residential School (EMRS) tana tui pump-na an siam chu zawhfel niin nimin khan hlawhtling taka tui pump a ni.
Social Welfare Department in an enkawl Kawlri tlang-a Eklavya Model Residential School (EMRS) ah hian zirlai thahnem tak awmin heng zirlai naupang te hian School hi an awmchilh a, heng zirlai leh an zirtirtute hian ruahtui an khawl chiah an rin avangin tui lamah harsatna an tawk fo thin a. Hei vang hian Social Welfare Department kaltlanga sum cheng nuai 64 hmangin PHE Serchhip WATSAN Division-a Sr. Executive Engineer, Er. F. Lalsanglura leh a thawhpuite tui pump siam hna hi kumin February 11 atang khan an thawk a ni.
He tui pump nan hian a hrana tuilak nei lovin PHE Department Vengchung Section-a Site Office atangin khawl hmanga tui hi pump a ni a, KM 4 zet-a thui he Site Office atanga tui lakna siam hna hi nimin khan zawhfel niin hlawhtling takin tui pawh hi pump nghal a ni bawk. Hetianga tui pump-na peihfel a nih hnu hi chuan he School-a zirlai leh zirtirtute pawh hian tui lama harsatna chu an tawk tawhlo tura beisei a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »