Zirna hmangin Hnam chhan a ngai - Edn. Minister

School Education Minister, Lalchhandama Ralte chuan Zofate chuan zirna ah Top Class-a awm zel kan tum a \ul thu leh chumi hmang chuan kan hnam chhan a ngaih thu a sawi.
MZP Sub Hqrs. Hnahthial in nimin a zirlai ti\hate chawi-mawina hun an buatsaih Hnahthial Electric Veng Community Hall-a a hmanpuina ah he thu hi sawiin Education Minister chuan Hnam leh Sakhua a dam nan zirna-in dinhmun sang tak a luah a ngai tih a sawi a. Zirlaite chu teirei peih, tuar peih ni tur leh tunlai inelna sang takah ding chhuak ngei turin a fuih a. All India Service-ah te pawh tling thei ngei tura \an la tura zirlaite chu sawmin, District tina post pawimawh Mizovin kan luah theih nan zirlaiten theihtawp chhuah a ngai a, ram mamawh chhanna nih a pawimawh a ni, a ti.
Education Minister chuan khawtlang nu leh pate pawh zirna ah rilru siam thara khaw-tlang-ah zirna chu dah sang ber turin a sawm a. Sawrkarin Zirna hmunhma a neihte chu thildang atan it mai lova, humhalhpui tlat turin a sawm a. Zirtirtute pawh zirlaite tan tih takzeta an service hlan turin a sawm a. Naupangt en an pan leh an bawm ni tur khawpa \an la sauh sauh turin a fuih bawk.
He hun hi Lalmuanpuia MLA pawhin hmanpuiin sawrkar thar chuan thla 6 chhung chauh hna a thawh tawhah kawng hrang hrangin Mizoram chhunga zirna chuan hma a sawn nghal der tih a sawi a. District function tur chu mipuiten \awiawm a, Department hrang hrangte hmalak leh hnathawhte thlawp turin a sawm bawk.
Nimin a Hnahthial-a zirlai ti\hate chawi-mawina hunah hian HSLC leh HSSLC-a Distinction leh 1st Division-a pass chin bakah BA pass te chawimawi an ni a. Hemi hnu hian Minister hian Hnahthial khaw chhunga zirna In \hen-khat leh SDEO Office te a tlawh nghal bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia