LADC sawrkar a ngaia kal rih turin hriattir a ni

Congress MDC 4 leh sawrkar thlawptu Independent member pakhatin sawrkar an thlawpna an hnuhdawh avanga Lai Autonomous District Council-a Congress sorkar dinglai tlu mai thei dinhmuna ding mek chu Court in thu leh awm hma chu a ngai anga kal rih turin a ti.

Lai Autonomous District Council (LADC)-a Congress Legislature Party Secretary, Laltlawmlova Chinzah chuan Gauhati High Court Aizawl Bench-a an thu thlen chu Court hian ngaihtuahin tun thla ni 29 thleng sawrkar chu a kal ngaia kal rih turin thupek lailawk a tichhuak tih a sawi a, Congress party hian sawrkar an thlawpna hnukdawktu, Congress Member 4 leh Independent Member 1 te chet dan hian LADC inrelbawlna dan, CCB Rules a kalh nia sawiin, MDC an nihna a\anga bantir an nih theihna tura inrawlh turin Court hi an ngen a ni.

LADC Congress sawrkar dinglaia Chairman, V. Zirsanga tiamin, Member pali leh sawrkar thlawptu Independent Member pakhat chuan June ni 26 khan sawrkar an thlawpna hnukdawkin MNF Member 8 te nen United Legislature Party (ULP) an din a. Congress a\anga hel MDC ten an thlawpna an hnuhdawh takah hian Elected Member 25 awmna LADC-ah hian T. Zakunga kaihhruai Congress sawrkar dinglai chuan thlawptu Member 12 chauh a nei ta a, United Legislature Party (ULP)-ah hian MDC 13 an awm ta thung a, hetihlai hian Congress party chuan MDC hel te hian LADC CCB Rules an bawhchhia nia sawiin, ban tir an nih theihna turin Court-ah ngenna an thlen ve thung a, ban tir an nih chuan Congress sawrkar dinglai hian majority a la nei chhunzawm thei dawn tihna a ni thung.

LADC-a Congress Legislature party Secretary, Laltlawmlova Chinzah chuan MNF party chu sawrkarna an chan apianga Autonomous District Council te tibuai \hinah a puh a, Direct Funding te leh UT hial dil duhna thawm ri \hinte pawh MNF sawrkarna hnuaia Autonomous District Council ten him lova an inhriat \hin vang niin a sawi bawk.