Umang Festival-ah Shalom Special School tel

Ni thum chhung awh Vohbik te Kut, Umang Festival chu nimin khan zawhfel niin a kharna hun Pi Zaii Hall, Synod Conference Centre, Aizawl-a neih chu Art & Culture Minister, R. Lalzirliana chuan a hmanpui a, Shalom Special School, Serchhip a\ang pawhin mi 10 an tel a ni.
North East Zone Cultural Centre (NEZCC), Dimapur leh Art & Culture Department \angkawp in an buatsaih tun thla ni 9 a\anga neih Umang Festival kharna hunah hian Art & Culture Minister, R. Lalzirliana chuan Vohbik te'n Umang Festival-a an thiamthil hlu leh nalh tak tak an phochhuak thei chu lawmawm a tih thu sawiin, tunhma chuan Vohbikte chu nuihzat leh biak nawmnah an hlawh a, tunah chuan mithiam enkawlna hnuaiah leh kaihhruaina hnuaiah thil tam tak an zir thei tawh a, eizawnna pawh a \hen te chuan an nei tawh a ni, a ti.
Umang Festival-ah hian School pathum telin Gilead Special School, Aizawl a\angin 10, Shalom Special School, Serchhip a\angin 10 leh Ephatha School, Vaivakawn a\angin 10 an tel a, School hrang hrang te hian Special Item an nei a;  Ephatha School, Vaivakawn chuan Zaiin mipui an awi a; Shalom Special School, Serchhip chuan lam an entir a; Gilead Special School, Aizawl te chuan Chheihlam an entir bawk a ni. Umang Festival hi India hmarchhak state hrang hranga neih tura ruahman a ni a, kumin ah hian Workshop buatsaih a ni a, Workshop-ah hian Soft Toys (Sangha lem, Ice cream, Zawhte, Sava lem leh Naute lem) pakhat \heuh siam a ni a, hei bakah hian Project Work atan an duhber milem pakhat an siam bawk a ni.

Comments

Popular posts from this blog

PAN CARD an tih teh fo hi - Laldinpuia