Khawvel hmundangte rualin Mizoram-ah World Population Day-2019 hman a ni

Nimin khan khawvel pumah 'World Population Day, 2019' hman niin Mizoram-ah pawh Reproductive & Child Health (RCH) bultumin Health Department Conference Hall-ah hman a ni a. Principal Director (H&FW), Dr. F. Lallianhlira chuan khuallian niin a hmanpui a ni.

Kumin a 'World Population Day' ah hian 'Nu leh nau an lo hrisel zawk nan chhungkaw ruahmanna fel tak nei rawh' tih chu thupui-ah hman niin he hunah hian Khuallian, Dr. F. Lallianhlira chuan Family Planning kan hmelhriat dan leh kan hmuh dan hi kan thlak a ngai tih a sawi a. Awmze neia chhungkua hi kaihhruai a ngaih thu leh ruahmanna felfai tak nena mitinin chhungkua enkawl a \ul takzet thu a sawi bawk. World Population Day pual inkhawm hi Dr. H. Lalchungnunga, Director of Health Services-in a kaihruai a. Chairman hian kalkhawmte lawmna thu a sawi hnuah Dr. Lily Chhakchhuak, State Programme Officer, RCH hnen a\angin Family Planning Status in Mizoram tih thupuia hmangin Powerpoint presentation thlir leh ngaihthlak a ni.

'World Population Day 2019' hi thla khat chhung hman tura tih a ni a, hei vang hian hun hnih ah \hen niin \henkhatna “Mobilisation Fortnight” chu June ni 27 a\anga July ni 10 thleng khan hman a ni a. Hemi hun chhung hian ANM leh ASHA ten nupa tuak record-te enfelin fa neih chungchang zirtirna an pe \hin a. Mipuite hnenah a remchan dan ang angin kum tlin hnu ngeia nupui pasal inneih a him thu te, nu leh naute mila chhang khat a \hatna, inneih a\ang kum 2 hnuah tal naupai a \hatna te, kum 3 dan zela nau pai, nau neih hnu-a indanna hrang hrang bakah thil pawimawh tak tak te inzirtirna hun atan hman a ni.

A \hen hnihna July ni 11 leh July ni 24 inkarah hman tura ruahman a ni thung a, hei hi “Population Stabilisation Fortnight” atan hman tur a ni thung a, hemi hun chhung hian OPD/Hospital leh hmun remchang-ah Family Planning method hrang hrang pholan a, hmeichhia ten Family Planning chungchangah duhthlanna an neih theih nan Couselling te; thuziak, Poster leh Banner hmanga auhla (slogan) phochhuah te niin khaw tinah leaflets te sem a ni dawn bawk a ni.
World Population Day hi United Nations ruahmanna in July 11, 1989-a khawvel mihring awm zat tld. 5 a tlin a\ang khan kumtin hman \hin a ni a, a tum ber chu mipuite hnenah mihring tam zelin nghawng a neihdan hrilhhriat te, Family Planning pawimawhna te, mipa leh hmeichhia intluktlanna te, retheihna leh nu, naupaite hriselna lam ngaih pawimawh te a ni.