Leimin avanga In chhia senghawi niin In rauhsan an awm belh leh bawk

Tunhnai ruahsur nasa avanga niminpiah tlai-a Serchhip Chanmari Veng-a leimin in chenna In a hnawl senghawi hna chu nimin khan hnatlang a thawh a ni a, hetihlai hian Serchhip Saron Veng mawng-a leimin avangin chhungkaw pakhat chuan an chenna In an chhuahsan bawk.

Niminpiah tlai-a Serchhip Tarpi tlang tlaklam leimin avanga Chanmari Veng, Nursing School Road-a Zabiaka te chenna In a hnawlchhiat a bungrua leh In chak senghawi hna hi nimin khan mi tlawmngai te chuan thawkin leimin In a hnawlchhiat chak te hi thiarchhuah a ni a, amaherawh chu nizan hmasa lamah helai hmunah hian lei a tlak belh leh avangin hna thawh pawh a harsat phah hle a, he hnatlang ah hian mi 200 chuang thawk-chhuakin In chak tam zawk hi lakchhuah a ni. He leimin avang hian Zabiaka te \henawma Rochungnunga te leh Lalauva te bungrua pawh sengchhuakin hmun him lamah dah a ni bawk a. Helai kawng hi mihring leh lirthei tan kaltlang hleih theihloh in a awm mek bawk a ni. Adviser to Chief Minister, C. Lalramzauva chuan he In neitu Zabiaka te hi \anpuina Rs. 4000/- pein an In luahtu, Mawithanga pawh Rs. 1000/- in a \anpui bawk a ni.

Hetihlai hian tunhnai ruahsur nasa avang hian Serchhip Saron Veng-a F. Sawithanga te In pawh a thlanglam min avangin an bungrua te hmun him lamah thiarchhuah a ni bawk a, Serchhip Saron Veng mawng, Thumbawk lui kam min avang hian NH. 54 a\anga Dinthar Vengsang panna kawng pawh pingin Saron Veng a\anga Thumbawk lui panna kawngpui pawh a min chhe vek a, F. Sawi-thanga te bungrua thiarchhuah vek a nih bakah hian a chhaka R. Lalduhawma leh Lalneihthangi te In sak lai, RCC Building pawh dinhmun hlauh-thawnawm ah a awm bawk a, R. Lalduhawma te In sak mek hi a bang pawh nasa takin a khi a, a chhaklama Saron Veng a\anga Dinthar Vengsang panna kawng pawh nasa takin a khiin a chhak leha K. Vanlalvena In leh Kawlhnuna In vel pawh lei khi hian a huam bawk a, anni pawh hi nizan hmasa khan an riakchhuak bawk. Serchhip Vengchung-a Rothangpuia In chu a chhak leimin avangin nizan hmasa khan riahchhuahsan in nimin khan mi tlawm-ngai ten an bungrua an thiarchhuak bawk a ni.