Swachh Bharat Mission hnuaia UD&PA Deptt. in Faina inelna lawmman Serchhip-ah an sem

Serchhip-a Urban Development & Poverty Alleviation Department chuan faina kawnga inelna an buatsaih hrang hranga tih\ha te hnena lawmman semna leh Solid Waste Management Rules 2016 zirhona hun nimin khan buatsaihin Serchhip District Bawrhsap, Sangchhin Chinzah chuan khuallian niin a hmanpui.

Nimin chawhnu-a Serchhip Auditorium-a he hun buatsaih ah hian Serchhip District Bawrhsap, Sangchhin Chinzah chuan Fai nachang hriat chu changkanna a nih thu sawiin, Serchhip khawpui pawhin Faina chu sualin VC, YMA leh mipui ten theihtawp kan chhuah avangin Mizoram puma khaw fai lawmman pahnihna kan dawn thu sawiin, tunah chuan zirna In-a naupangte leh YMA Chhang te nen hma kan lak tak avangin khaw fai ber lawmman kan dawn theih ngei a beisei thu a sawi a. Naupan lai a\anga Faina kawnga inzirtirna neih chu a hlawkthlak a beisei thu leh Faina chu nunphung-ah neiin inelna atan chauh ni lovin inzirtirna neih zel a \ul thu a sawi a. Faina chu keimahni tan \heuh a nih thu pawh sawiin, midang tihsak nghak lova mahni in hma kan lak a \ul thu leh Serchhip khua in faina kawnga hma kan sawnna pawh a hretu vek kan nih thu a sawi a. Faina chu hriselna a nih thu leh chumi a\anga hlawkna teltu pawh keimahni \heuh kan ni tih hre reng turin he huna kalkhawmte chu a chah bawk.

Faina kawnga inelna lawmman semna hun leh Solid Waste Management Rules 2016 zirhona hunah hian District Urban Development Officer, Van-thangpuii chuan inlawmna thu sawiin Grace Lalrinfeli, District Manager (DAY-NULM) chuan Solid Waste Management Rules chungchang a lem nen a zirtir a. Solid Waste Management tih chuan bawlh-hlawh reng reng mumal taka thliarhran, khawnkhawm, sawngbawl leh tihral chu a tum ber a nih thu sawiin, bawlhhlawh te chu chi thum (3) ah \henin a hrang \heuha paihna siam tur a nih thu a sawi a. Hei hi Ser-chhip-ah pawh kalpui tum a nih thu sawiin, Mizoram khaw fai inelna chu thla thar mai ah kan hmachhawn leh dawn thu leh Swachh Surveksan pawh kan hmachhawn leh mai dawn thu sawiin, hemi atan hian theihtawp chhuaha \angtlang turin Serchhip mipuite chu a sawm bawk a ni.

Intihsiakna lawmman la te :

YMA Chhang Veng fai :

1st - Serchhip Kawnpui North Branch

2nd - Serchhip Vengchung Branch

3rd - Serchhip Chhim Veng Branch

High School fai :

1st - Govt. Chhiahtlang H/S

2nd - New Serchhip Secondary School

3rd - Marian H/S in

Hotel (Guest House) fai :

1st - Tourist Lodge, Serchhip

2nd - KH Hotel, Serchhip Bazar

Hospital fai :

1st - Mercy Hospital

2nd - District Hospital, Serchhip

Faina Video Clip siam :

1st - PYD (NEI) Biak Inpui

2nd - KTP Serchhip Vengchung Branch

3rd - TKP, New Serchhip Unit