Agriculture Minister in Zawlpui phai tlawhin Leilet neitute nen inkawmna an nei

Agriculture Minister, C. Lalrinsanga chuan nimin khan Serchhip Zawlpui phai tlawhin Zawlpui phai-a Leilet neitute leh Thlasik thlai chingtute nen inkawmna neiin kuthnathawktute chuan an mamawh hrang hrang an lo thlen a. Agriculture Minister chuan Buh thar theihna atana siam theih hmun te chu Buh tharna atan hman \angkai a \ul thu a sawi.

Serchhip-a rawn zin Agriculture Minister hian niminkhan Serchhip Zawlpui phai hi tlawhin Serchhip Zawlpui Phai-a Thlasik thlai chingtu pawl, Serchhip Agriculture & Horticulture Cooperative Society hruaitute leh Zawlpui FMC hruaitute nen Serchhip Zawlpui Phai-a Pack House-ah inkawmna an nei a. Agriculture Minister chuan loneitute nen inkawmna hun \ha tak an nei chu lawmawm a tih thu sawiin, tunlai khawvel-ah Statistic Base-a kal a \ul thu leh Serchhip a Agriculture Department in Buh thar theihna tur hmun leh kan Buh thar zat te Statistic mumal tak an nei chu lawmawm a tih thu a sawi a. Kan tih ve theih reng banphakloh kan ngah lutuk chu veiawm a tih thu sawiin, “Kan thuk bawr vel-a kan ban theih ah kan thar ni lo tam lutuk hi a zahthlak a ni,” tiin kan tapchhak nghaktu tam ber te ramdang a\anga chawkluh kan la ngai chu pawi a tih thu a sawi a. Kan rama Lo neih dan chu a fuh loh thu pawh sawiin, tunah chuan kan Lo-ah te pawh kan thar theih zata kan beisei te kan thar phak ta lo zel tih a sawi bawk.
Agriculture Minister chuan Mizoram-a Oil Palm chin bul kan \an dan chu a fuhlo tih pawh sawiin, Cluster Basis-a kal a \ul thu leh hmun hrang hranga kan ching chu a hralhna kawng thleng pawha a fuhlohna a awm thu a sawi a. Eizawnna kawng hrang hrangah Cooperative Society Movement hman \angkai a \ul thu pawh sawiin, hlawk zawka kan mamawh kan tharchhuah theih nan Double Cropping kalpui theih dan ngaihtuah a \ul thu a sawi a. Mizoram mamawh Buh tharchhuah a \ul thu leh Buh chin theihna hmun atana siam theih te chu siam zelin Buh thar nan hman \angkai a \ul thu leh an tharchhuah te pawh sawrkar in leisak a duh thu a sawi a. Buh chin bo si lova kum khata vawi hnih Vaimim thar tura hmalakna te pawh kalpui tum a nih thu sawiin, Land Development leh Tuikawng \ha zawk siam te chu ngaih pawimawh a nih tur thu a sawi bawk.
Agriculture Minister in kuthnathawktute a kawmna hun hi Serchhip DAO, C. Lalnithanga chuan kaihruaiin Agriculture & Horticulture Cooperative Society leh Zawpui FMC te hian an mamawh an lo thlen zingah Thlasik-ah pawh Tui harsatna an tawh loh nan Tui kawng \ha an mamawh thu te, an Leilet kalna kawng \ha an mamawh thu te leh hmanraw \ha zawk an mamawh thu te \awngka leh ziakin an lo thlen a, heng bakah hian Kei\um leh Bungtlang lam a\anga Mat phairuam panna kawng siam a \ul thu te pawh Minister hnenah hian lo thlen niin Minister chuan an hnathawhna atana an mamawh te chu thlen zel tur leh ngaih-tuah zel a nih tur thu a sawi bawk.
He hunah hian Serchhip Agriculture Department-a thawktute chuan Serchhip District dinhmun tlangpui tarlangin kum 2011 Chhiarpui-ah Serchhip District-ah mi 65,000 vel awm anga chhut a nih thu leh WRC hmanga eizawng mi 2040 vel awm anga chhinchhiah a ni a, kum 2017-2018 chhung khan Serchhip District-ah hian WRC leh thingtlang Lo hectare 4236-a zau ah Buh chin niin Leilet a\angin hian buhfai quintal 22,301 leh Thingtlang Lo a\angin quintal 52,569, a vaiin quintal 74,870 tharchhuah a ni.
Serchhip District hian kum khat chhungin Buhfai quintal 1,06,600 a mamawh anga chhut niin kan mamawh a\anga za zela 60 vel kan thar-chhuak a, SEDP leh CSS a\anga Hactare 1510-a zau Buh chinna atan siam leh a nih chuan kan mamawh ang hi tharchhuak thei tura beisei a ni a. Hei bakah hian khaw 13-ah Cluster angin chhungkaw 850 ten Vaimim an ching mek a, an tharchhuah chu a kawm-in Kg.-ah Rs. 15-a lei sak niin nuaithlak a nih hnuah Kg. ah Rs. 18/- in hralhchhuah leh a ni bawk.

Comments

Popular posts from this blog

PAN CARD an tih teh fo hi - Laldinpuia