RD Minister in thawktute kawm

Serchhip-a rawn kal, RD Minister Lal-ruatkima chuan nimin chawhnu khan Serchhip DRDA Conference Hall-ah Serchhip-a Rural Development Department a thawktute kawmin an mamawh leh harsatna te a ngaihthlak sak.
He hunah hian RD Minister chuan RD Deparment chu Department lian tak, state sawkar sum aia Central Sponsored Scheme te khawih nasa zawk a nih thu a sawi a. Sawrkarna an siam hnua RD Department engemawzat a tlawh tawh thusawiin, a theih chuan tlawh vek a duh thu a sawi a. “A hmuna engkim hmuhpui ngei hian kan mamawh leh harsatna te kan chiang bik \hin a ni,” a ti.
Serchhip DRDA Project Director, H. Dolianbuaia kaihhruai he hunah hian RD Minister chuan MGNREGA hnuaiah kum khata ni 150 inhlawhna tur Central sawrkara a zuk dil tawh thusawiin, kumin bikah ni 56 inhlawhna pek chhuah a nih tawh thu a sawi a. Ni za inhlawhna hi Village Asset siam nana a tam thei ang ber hman a \hat thu sawiin, thawktute chuan hna \ha, mawi leh tlo tak thawh ngei kan tum tur a ni, a ti. Chutiang chuan tun hmain kan lo ti ngailo a nih pawhin Vawiin a\ang chuan chutiang chuan hna thawh tum tawh turin thawktute chu a fuih a. Village Level Assistant, chhawr tlak vak loh an awm tih a hriatpui thusawiin, mi chawthleng ben buak chu hreh hle mah ila, khawngaihna hun an siam sak chhunga an insiam\hat siloh chuan, thawk thei an indah mai a ngai dawn tih a sawi bawk.
Lalruatkima hian PMAY lama harsatna awm te sutkian tuma theihtawp chhuah a nih thu pawh sawiin, kumin Fund phei chu tihfel \ep tawh a ni tih a sawi a. CM Rural Housing Scheme erawh chu chhunzawm loh mai \haa a hriat thu a sawi bawk. DRDA thawktu, hlawh la lova rei tak lo awm tawh te a lainat hle tih sawiin, \ha taka hlawh an lak theih nan Finance lam hotute a lo sawipui tur thu a hrilh a. RD Department a thawktute chuan ram tan hna pawimawh an thawk a ni tih inhriain an theih tawp chhuah turin a ngen bawk

Comments

Popular posts from this blog

PAN CARD an tih teh fo hi - Laldinpuia