Serchhip khua in Paragliding Accuracy World Cup a dawn tur atan inbuatsaih mek a ni

Nakum Feb. 10 a\anga 16 chhung khian Serchhip khua in Paragliding Accuracy World Cup a thleng dawn a, hemi atan hian inbuatsaihna kalpui mek a ni.
Serchhip khua in Paragliding Accuracy World Cup a thlen tur atan hian Mizoram Aero Sport Association (MASA) Hqrs. Aizawl leh MASA Sub-Hqrs. Serchhip chu inbuatsaih mekin Zirtawpni zan khan hemi atana Meeting hmasa ber chu neiin Inrinni khan Paragliding tihna tura bul \anna tur hmun siam\hat hna chu thawh nghal a ni. Paragliding site nghet siam tur hian Serchhip-III Village Council te ram pek, Serchhip Bawngchawm ram ah a Thlawhchhuahna (Take-Off point) tur ram chu tihfel thawkhat ni tawh in hei hi Inrinni khan hnatlang in a cheibawl hna thawh nghal a ni a, a panna kawng chu JCB hmanga siam\hat a nih bakah an thlawhchhuahna hmun ah hian Phul Chi pawh thehin hmunhma nuam tak siam tum a ni a. Hei bakah hian helai hmun a\anga thlawkchhuak te \umna (Landing) hmun tur pawh a ngheta siam tumin Zawlpui Leilet a hmun \henkhat pawh dawr mek a ni bawk.
Paragliding Accuracy World Cup thleng tur hian Mizoram chu ti chian ni tawh in, Serchhip-ah hian nghah a ni dawn a, Serchhip-ah hian Pre-World Cup pawh nikum khan nghah lo ni tawhin hlawhtling taka a thlen bakah mipuiin an hlut hle a, tunah hian a hmunhma tihchangtlunna tur Project te siam in Sawrkar dawr mek a ni bawk.
International Aero Sport-ah hian World Cup Series 4 awmin, Continent hrang hrangah nghah \hin a ni a, World Cup thlen dil tam tak karah MASA in an thleng thei tur chu lawmawm an ti hle tih Mizoram Aero Sport Association Hqrs. hruaitute chuan sawiin, International Aero Sport lam hian diltu ramdang mitmei an ven avangin kumin October thla ah chiah Official in an puang chhuak dawn a, State leh District Level-ah inbuatsaihna tur tam tak a awm avangin Mizoram chhungah Mizo \awng chiah in puanchhuah hi an remtih rih a ni. Serchhip in Paragliding Accuracy World Cup a thlen tur atan hian Mizoram Aero Sport Association Hqrs. hruaitute leh Serchhip-a an hruaitute chuan nizan khan Meeting neiin he hunah hian MASA Hqrs. President, J. Vanlalliana chuan an hmalakna te a tarlang a, inbuatsaihna \ul atana hman tur Rs.1,00,000/- chu MASA Sub-Hqrs. Serchhip hruaitute hnenah an hlan bawk.

Comments

Popular posts from this blog

PAN CARD an tih teh fo hi - Laldinpuia