Heritage Centre tur tlawh

Serchhip Heritage Society leh bialtu MLA te hmalakna a Serchhip Kawlri tlang-a Heritage Centre din tum chu Inrinni khan Serchhip bialtu MLA, Lalduhoma leh Serchhip Heritage Society hruaitu ten an tlawh.

Serchhip-a hmun hlui leh hmun pawimawh humhalhtu pawl, Serchhip Heritage Society te hian Bialtu MLA, Lalduhoma hovin Serchhip Kawlri tlang-ah hian Heritage Centre \ha tak din tumin hma an la mek a, Serchhip Heritage Centre siam tur Project hi Mizoram University in a bul \anin a tawp thlengin an buaipui dawn a. Serchhip Heritage Centre bakah hian Thenzawl Lau Lui Project pawh Mizoram University in a tir a\anga a tawp thlengin an buaipui dawn bawk a. Inrinni khan heng an hmalakna hmun, Serchhip khaw hlui, Kawlri leh Entlang vel te hi tlawhin a hmunhma cheibawl hna thawh zel dan turte an thlir a ni.

Serchhip Heritage Society leh bialtu MLA ten Kawlri tlang tlawha hmalakna hrang hrang an enkual hnu hian KL. Chhuanvawra (L) te In, Serchhip Vengchung-ah Thingpui inhoa inkawmkhawmna nei zui nghalin, hmalak dan tur leh hmalakna kalphungte sawiho a ni a, heng hmalakna hrang hrang hi a kalkawng a thui dawn hle a, hetihlai hian Serchhip Kawlri-ah hian Tourist Attraction lian tak siam ngei tumin chak takin hmalak a ni dawn tih an sawi a ni.

Serchhip Kawlri tlang tlawhtu Serchhip bialtu MLA hi Aizawl South-I bialtu MLA, C Lalsawivunga leh ZPM hruaitute bakah, ZPM Research Wing-a mithiam rual te’n an \awiawm a. Mizoram zirchiang tura USA a\anga lo kal, Mary Angela, Anthropologist pawhin a rawn \awiawm ve bawk a. Serchhip Heritage Society Chairman, Lalrin\huama Kawlni leh hruaitu dangte bakah Serchhip District ZPM hruaitu te’n an lo dawngsawng a ni. Serchhip bialtu MLA leh amah \awiawmtute hian Inrinni vek khan Ai-zawl pan leh nghalin hun remchang hmasa ah Lau Lui Project tur hi an thlirho leh ang.