Serchhip District-a Tomato tharchhuah te Serchhip Bazar-a zawrhchhuah dan tur sawiho

Serchhip District chhunga Off Season-a Tomato tharchhuah te Serchhip Bazar-ah mumal zawka hralhchhuah a nih theih dan tur sawihona chu nimin khan Serchhip Divisional Horticulture Officer (DHO) kaihhruaina hnuaiah Serchhip District chhunga Tomato chingtu ten an nei.

Serchhip DHO Office Chamber-a Tomato hralhchhuah dan tur sawihona hunah hian Serchhip DHO, Vanlalzami chuan Serchhip District chhungah hian Tomato hi chhungkaw tam takin ching tawh mah se Cluster anga ching erawh an la awm ngailo tih sawiin, tunah chuan Leng khua leh North Vanlaiphai khua ah te chinga tharchhuah mek a nih thu a sawi a. Heng bakah hian Piler khua a\ang pawhin Tomato hi tharchhuah a ni tih sawiin, Aizawl leh hmundanga hralh tur hian Transportation-ah harsatna a awm bakah khawlum-ah chuan awlsam taka a chhiat theih avangin harsatna a awm theih thu a sawi a. Horticulture Department chuan thlai tharchhuak tura hmalak chu an tihtur a nih rualin an hnuaia kuthnathawktute tharchhuah tihralna awmlo avanga harsatna an tawh sutkianpui chu an tihtur a nih avanga hetianga hma la ta hi an nih thu a sawi a. Mizoram a\anga Tomato tharchhuah te awlsam zawka tihral a nih theih nan hian Aizawl-ah chuan Phai a\anga Tomato lakluh phal zat tihhniam tum a nih thu leh hetiang hian Serchhip-ah pawh tih ve dan zawn nise \ha a tih thu a sawi a. An Department hmalakna a tharchhuah thlai chi hrang hrangte phurhkualna atana hman turin Refrigerated Van an neih thu leh hei hi thlai leh thei phurhna atan hian za zela 25-a tlawma hman theih a nih thu a sawi bawk.

Nimin-a he sawihona hunah hian Leng khua leh North Vanlaiphai khuaa Tomato chingtute chuan an thlai tharchhuah dan tlangpui sawiin, Bazar-a Mizoram tharchhuah chawhmeh zuartute pawhin chawhmeh an lak dan te an sawi bawk a. Mizoram tharchhuah thlai te chu hralh nuam mah se Tomato hi duh anga zawrhchhuah tur an la neih ngailoh thu te pawh sawiin, a hmasa ber atan quintal 3 leh a chanve vel chu zawrh an inhuam thu an sawi a. Hemi hnu hian heng Tomato te an zawrh dan turte sawihona neiin a bul\anna atana Leng khuaa Tomato chingtu ten Tomato tharsa an rawn ken chu zawrhchhuah phawt nise an ti a. Hemi hnu hian thlai zuartute leh a chingtute hian inbiakna nei chhunzawmin hmalak zui nise an ti a. Tun dinhmunah Leng khua hian \um khatah Tomato Quintal 15 vel thar theiin North Vanlaiphai erawh hi chuan a hlawma seng lovin mimal tin ten an remchan dan angin an seng a, Piler khuaa Tomato chingtute erawh chuan a hralhna ah hian harsatna an tawk rihlo thung a ni.

He hunah hian Serchhip DHO, Vanlal-zami chuan Leng khua a Tomato chingtute tan hian an Department chuan hma an lak chhoh zel thu sawiin, Article 275 (i) hnuaia Greenhouse neitute tana \anpuina an dawn pawh Leng Cluster-a Tomato chingtute hnenah hian sem a nih dawn thu leh mi pakhat in Rs. 35,000/- hu an dawn tur thu a sawi a, an thil dawn tur tam ber chu a hmanrua a pekchhuah tur a nih thu sawiin, Ser-chhip District Bawrhsap hmalakna zarah mimal chhungkaw tin ten Tuizem an neih theih nan leh a panna kawng siam\hat a nih theihna turin DRDA hmalakna beisei a nih thu a sawi a. Leng khua leh North Vanlaiphai khuaa Tomato tharchhuah te chu Serchhip Bazar-ah zawrh reng theih a nih dawn chuan an tharchhuah theih hun tur pawh mumal zawka siamin a inchhawka inpek theih dan ngaihtuah tur a nih thu a sawi bawk.

He hunah hian Horticulture Department-a mithiam te chuan Serchhip District-a Tomato an tharchhuah te chu a enkawlna ah Hlo Tur leh Chemical dang hman a nih loh avangin rei tak dah theih a nih loh thu an sawi a. Hetiang Chemical hmang lova enkawl hi hralh a kal zel tawh tih pawh sawiin, rei tak tak thlai thar dah\hat tawh te chu a dah\hatna atan damdawi an hman \hin avangin fimkhur a \ul thu an sawi bawk.