Sports Complex sawihona nei

Nimin khan Serchhip Sports Complex Management Committee chu an Chairman Serchhip District Bawrhsap, Sangchhin Chinzah hovin an \hukhawm a. Sports Complex sak meka Synthetic Track siam mek dinhmun leh Complex ram chungchang te an sawiho.

Serchhip District Bawrhsap Pisa-a Sports Complex Management Committee \hutkhawm ah hian Bawrhsap, Sangchhin Chinzah chuan Serchhip khawpuiin Sport Complex changtlung tawk tak a nei fel \ep tawh tih sawiin, Football Pitch Artificial Turf leh a sir kual chhuaka mipui \hutna siam a nih tawh hnuah tunah hian Pitch kual chhuakin Synthetic Track, Athletic atana hman tur siam hna thawh mek a nih thu a sawi a. A thawktute hi Syncott International Delhi an ni tih sawiin, tunah hian Water Bound Macadam (WBM) an phah mek thu a sawi a. Thawktute hian an thawh chak tawk loh avangin Notice te pawh pek an nih thu tarlan a ni bawk. Syncott lam hian ruahtuiin a tihbuai loh chuan kumin Favang velah chuan an zawhfel theih an inbeisei tih he hunah hian tarlan a ni bawk.

He Meeting-ah hian Serchhip Sport Complex ram enkawl zui dan turte pawh sawi chhuah a ni a. Tun dinhmunah chuan sak lai (under construction) a nih avangin a satu Department lamin tute kutah nge he Stadium hi a dah dawn tih te pawh a la hriat loh bawk avangin dan ang taka thil kalpui a la rem lo deuhva ngaih a ni a. Amaherawh chu tuman a chhehvel ram an nek emaw, kut an lo thlak emaw loh nan hma-lakna erawh siam ni se an ti bawk.