Sangha chi sem tur Dil neitute ten la duhlo

Serchhip-a Fisheries Department in nimin zing-a Serchhip-a Sangha chi sem an tum chu an Sangha chi sem te hi a tet avangin Sangha chi sem la tura kal Sangha Dil nei ten an la duh lo.

Thudawn danin Sangha chi hi 80 - 100mm a lian supply tur a ni a, mahse tuna Serchhip a Supplier in Sangha chi a rawn ken hi chuan a phak lo hle a, hei vang hian Sangha chi lei tura kalkhawm te chuan Fisheries Association hruaitute kaihhruaina in banpharin a duh leh duh lo vote an la a, a kal zingah hian lak duhlo an tam zawk avangin an vaiin an la ta lo a ni. Serchhip District Fisheries Association hruaitute chuan nghakhlel taka an lo thlir Sangha chi, a tet lutuk avanga sem lohva kir a ngai chu pawi an tih thu sawiin, Sangha chi Supplier hian arang thei ang bera Supply Order a inziak anga Finger Link (Inches hnih leh a chanve) vel tal supply leh thuai tura an phut thu leh Indian Major Carp nilo, Common Carp leh Grass Carp te rawn supply tura an duh thu an sawi a. Hemi atana hma lak sak tura Serchhip District Fisheries Development Officer (DFDO)pawh an phut thu an sawi bawk.

Thudawn danin nikum 2018 chhung khan Serchhip-ah hian Sangha chi leh a chaw hi sem a ni tawh lo a, hei vang hian Serchhip District Fisheries Association pawhin kumin hian sem leh loh mai hlauin Department hotute pawh hi an sawipui a, Sangha chi hi pakhat Re. 1/- a khul tur niin MP inthlan vuakvet a Conduct Rules in a phuar chhungin a lo \hanglian hman a, chu chu Supplier hian Re.1 chuan a phal leh si lova, chuvang chuan a aia te deuh a rawn supply nia thudawn a ni.