Ruahsur avanga leimin in In a tihchhiat te senghawi hna hnatlang-a thawh a ni

Kar kaltaa ruahsur nasa avanga Serchhip Saron Veng-a In saklai chim leh luahlai chhia te chu nimin khan Serchhip-I Village Council chuan hnatlang kovin \hiaha senghawi a ni.
Kar kalta chhunga ruah nasa tak sur avanga Serchhip Saron Veng-a F. Sawithanga te In luah zui tlak lova chhia leh a bula R. Lalduhawma te In saklai chim ta te senghawi hna hi nimin khan Serchhip-I Village Council in hnatlang koin thawh a ni a, he hnatlang ah hian mi 200 vel zet thawkchhuakin F. Sawithanga te In luahzui tlak lova tlu mai thei dinhmuna ding chu mi tlawmngai ten an \hiat a, he In hi \hiah a ni mek lai thleng hian ala chet zeuh zeuh avangin fimkhur taka \hiah a ni a. A bula RCC building saklai chimta, R. Lalduhawma te In chak senghawi hna pawh he hunah hian thawh niin an In bang atana hman Leirawhchan te chu \hiata thiarchhuah a nih bakah a thlang lam Dinthar Veng lama tla thei tur hrang hrangte pawh senghawi a ni bawk a, nimin hnatlang ah hian zawhfel hman a nih loh avangin Vawiin hian hnatlang neih chhunzawm leh tur a ni ang. Nimin a hnatlang hi Serchhip DC, Sangchhin Chinzah leh SDC, Danny Lalchhuanawma te chuan tlawhin hnatlang thingpui lumna atan Rs. 3000/- an hlan bawk.
Helai vela lei che avanga dinhmun hlauhthawnawm a awm Lalneihzami In sak mek erawh tunah hian a che zui rihlo nia thudawn a ni a, a bula KC. Rosanga te pawhin an bungraw \henkhat hmun him lama an thiarchhuah bakah a thlang-a K. Lalnghinglova te pawhin an bungrua te hmun him lamah an thiarchhuak tawh bawk a ni. Heng te nen hian nimin thlenga he leimin avanga chhiatna thlengah hian In luahlai 1 chhiain In saklai 2 a chhiat vek bakah pakhat pawh chhunzawm ngamloh in a awm a, chhungkaw 12 ten an chenna In chhuahsanin an bungrua te hmun him lamah thiarchhuah a ni tawh bawk a ni.
Hetihlai hian Serchhip Tuikhuah Veng-a NH. 54 kawngchhuat tlahniam chu ala tlakhniam belh zel niin a lang a. He lei tlahniam hi Inrinni lam khan a sang laiah ft, 1 leh a chanve vel a nih laiin tunah hian nasa takin a tlakhniam belh leh niin a lang a, Dinthar Veng hnaih lamah hian ft. 1 aia sanga kawngchhuat hi a tlakhniam bakah Tuikhuah Veng hnaih lamah hei aia nasa zawkin a tlahniam tawh a, tunah hian kawng tlakhniamna laiah hian thing leh lung te dah a nih bakah a theih ang anga lei-a hnawh bawk niin lirthei erawh an la kaltlang thei hram hram a ni. Saron Veng a\anga leimin in helai bul maia NH. 54 kawngpui a hnawh erawh Inrinni-a lirthei kaltheiha thenfai a nih hnuah lei leh chirh rawn tawlh te hi hmundang ah paih niin lei rawn tla thar a awm rihloh avangin tun dinhmun ah kawng hi a tlang \ha rih a ni.

Comments

Popular posts from this blog

PAN CARD an tih teh fo hi - Laldinpuia