RV Vaccine pek tur sawiho

Serchhip District Immunization Task Force Committee chu nimin khan an Chairman, Serchhip District Bwrhsap Sangchhin Chinzah hova \hu-khawmin naupang kaw\halo laka invenna tur, Rota Virus Vaccine pek dan tur chungchang an sawiho.
Serchhip District Bawrhsap Pisa-a he \hut-khawm ah hian District Bawrhsap, Sangchhin Chinzah chuan Health Department in mipuite hriselna tura sawrkar laipui a\anga ruahmanna Programme leh Scheme chi hrang hrang tam tak thawk \hinin, \ha taka hna an thawk \hin chu fakawm a tih thu a sawi a. Ram laili leh hnamdang pawlhsawp lohna District kan nihna chhawr \angkaiin rampum huap pawha hnathawk \hate zinga kan tel \hin chu lawmawm a tih thu a sawi bawk.
He hunah hian District Immunization Task Force Committee-a Member Secretary leh District Immunization Officer, Dr. Lalhlunpuii chuan Rota Virus Vaccine chungchang a sawifiah a. Rampumah naupang kum 5 hnuailamin an thihpui tam tak leh an damlohna tam ber chu kaw\halo a ni a, sawrkar laipui chuan he natna tihrem anih theih nan Rota Virus Vaccine pek hi ruahmanna thar a siam anih thu a sawi a. He vaccine dawng naupang hian kaw\halo natna a kai tawh dawn lo tihna a ni bik lova, amaherawh chu he natna lakah hian thui tak a veng thei dawn a ni, a ti.
Rota Virus Vaccine hi India ram state hrang hrang 11-ah pek tawh niin Serchhip District-ah pawh nausen hri danna pek \hin hun pang-ngaiah August thla a\ang hian pek \an tur a ni dawn a, nausen thla khat leh a chanve tlingte tan he vaccine hi lak tur a ni anga, kum khat an tlin hmain vawi thum (3) pek tur a ni dawn a ni. Vaccine hi injection ani lova, ei tura siam niin, far 5 zela ei tir tur a ni. He hri venna hi a dawng tur nausen ten dawng kim ngei se tih chu District Immunization Task Force Committee duh dan a nih thu he hunah hian tarlan niin sakhuana leh chhan dang avanga dawng duhlo awm lo turin mipuite an ngen nghal bawk a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia