Scrub Typhus zirhona nei

Nimin khan Serchhip-ah Health Department-a thawk te tan Rannung Seh natna, Scrub Typhus chungchang zirhona neih a ni.

Serchhip CMO Conference Hall-a he zirhona hi District Medical Superintendent, Dr. ZD. Lalmuanawma chuan kaihruaiin Resource Person atan Dr. K. Lallawmzuala, Medical Officer leh C. Lalram-thlani, Lab. Technician te hman an ni a, Scrub Typhus lo awm chhan leh a lanchhuah dan te, a enkawl dan leh he natna vei nia rinhlelh te thisen enfiah dan hrang hrangte zirho a ni a. He huna tarlan a nih danin nikum July thla a\anga kumin June thla tawp thleng khan Serchhip District-ah mi 911 te thisen enfiah a\angin Scrub Tuphus natna vei 142 hmuhchhuah a ni tawh a, hei hi thisen enfiah zawng zawng a\anga 15.5% a tling a ni.