RD Department hnuaia Scheme pawimawh te Serchhip-ah VC, VEC leh VMC ten an zirho

Nimin khan Serchhip RD Block-a Village Council (VC), Village Employment Council (VEC) leh Village Monitoring Committee (VMC) te tan Rural Development Department hnuaia Scheme pawimawh hrang hrang zirhona neih niin Serchhip District Bawrhsap, Sangchhin Chinzah chuan a hmanpui.

District Employment Guarantee Support Unit, Serchhip District leh Mizoram State Rural Livelihood Mission (MzSRLM) District Mission Manager Unit, Serchhip buatsaiha Serchhip P&E Veng YMA Hall-a Rural Development Department hnuaia Scheme hrang hrang zirhona hun hi Serchhip DC leh DPC, Sangchhin Chinzah chuan khuallian niin a hmanpui a. Bawrhsap chuan he zirhona khuhhawnna thu sawiin Serchhip-ah BDO hna thawka alo awm tawh thu leh khatih hunlai khan RD Department-a thawkte chuan taima taka hna an thawh \hin thu a sawi a. Amaherawh chu DC hna chelha a rawn awm leh hnuah Rural Development Department-a thawk te chu tunhma ang lo taka an inthlahdah ta nia a hriat thu sawiin, sawrkar laipui leh State sawrkar in thingtlang mipuite hmasawnna tura Scheme a kalpui, sum tam tak awmna khawihtu an nih avangin inthlahdah lova \hahnem ngai taka hna an thawh a pawimawh thu a sawi a. Tunah hian Mizoram State sawrkar in Flagship Programme a kalpui tur, SEDP pawh Rural Development Department in engemaw zat an khawih leh a ngaih dawn thu pawh sawiin, rinawm leh taima taka hna thawk tur leh nasa zawka \an la turin RD Department-a thawk te chu a chah a. VC, VEC leh VMC te pawh an hna thawh tur \heuh te rinawm taka thawh tum turin a chah bawk.

Serchhip DRDA Project Director, H. Dolianbuaia kaihhruai he hunah Serchhip RD Block huamchhunga VC 38 a\angin VC aiawh bakah VEC leh VMC mi 250 vel an tel a, thingtlang-a chenna In neilo te tana In sakna PMAY-G chungchangah Rohnuni Colney APO (WD) chuan zirtirna pein Mizoram State Rural Livelihood Mission (MzSRLM) chungchangah PC. Vanneia, DFS chuan zirtirna a pe a. MGNREGS chung-changah Lalhmingmawia Renthlei, Account Manager; James Ronghaka, Addl. PO; MC. Zir-sangliana, Addl. PO leh K. Lalhriatpuia, MIS Nodal Officer ten zirtirna pein PMKSY-IWMP chungchang ah Johny Lallawmkima, TE chuan zirtirna a pe bawk a. Serchhip BDO, Lalhmachhuana chuan lawmthu sawina neiin he training hi a khar a ni.