Serchhip SP thar in Serchhip District NGO Coordination Committee hruaitute a kawm

Serchhip District Superintendent of Police (SP) thar, Karthik Kashyap IPS chuan nimin khan Serchhip District NGO Coordination Committee hruaitute kawmin khawtlang tana thawhhona \ha zawk an neih zel a beisei thu a sawi.
Nimin-a Serchhip SP Office Chamber-a an inkawmna ah hian SP thar chuan Serchhip-a a rawn awmna ala reiloh thu sawiin, Serchhip District-a tlawmngai pawl hrang hrangte nen thawhhona \ha tak an neih a beisei thu a sawi a. Hemi atan hian tlawmngai pawl te thurawn leh \anpuina an mamawh dawn thu sawiin, thawhhona \ha tak an neih zel a beisei thu a sawi a. Tlawmngai pawl ten ram leh khawtlang tana hma an lakna kawng hrang hrangah \anpui turin Police te chu an inrin reng thu leh an inpeih reng thu a sawi bawk.
Nimin a SP in Serchhip District NGO Coordination Committee hruaitute a kawmna hunah hian YMA, MHIP, MUP leh MZP hruaitute telin khawtlang tana hmalakna tura pawimawh an hriat hrang hrangte sawiho a ni a. Heng zingah hian ruihhlo dona kawngah thawhhona \ha zawk neih zel an beisei thu te, Serchhip Bazar-a Taxi Stand-ah Taxi ding an tlem \hin avangin enfiah \ul an tih thu te, Serchhip AOC Veng NH. 54, Masihi Sangati Hall vela Truck lian ding \hin ngaihmawhawm an tih thu te, Police ten Sunday tlai-a Special Drive an neih \hin chhunzawm zel \ha an tih thu te, Bike ri tidanglama bengchheng siam \hin te man \ul an tih thu te, mipui ten Police an rin zel theihna tura hmalak \ul an tih thu leh Serchhip Bazar-a Police Beat Post building mipuite tana pan awlsam zawka dah a nih theih nana hmalak \ul an tih thu te a tel a. Heng NGO a\anga rawtna awm te hi a theih anga bawhzuia hmalak nghal a nih tur thu Serchhip SP chuan a sawi a ni.
Serchhip SP, Karthik Kashyap-a’n nimin-a NGO Coordination Committee hruaitute a kawmna hunah hian SP hi Addl. SP, PC. Lal\anpuia; DSP (Hqrs.) Ramfangzauva; Serchhip SDPO Victor Zothansanga; RO SP Office Inspt. H. Biakchhuma leh Serchhip Police Station OC, VL. Ramhluna ten SP hi an \awiawm a, DSP (Hqrs.) Ramfangzauva chuan ram leh khawtlang tana an hmalakna ah NGO te nen thawhhona \ha tak an neih \hin avanga lawmawm a tih thu sawiin, NGO te pawhin an hmalakna ah harsatna an nei a nih chuan Police hotute hnena thlen \hin turin a chah a. Kan khawtlang leh District tana theihtawp chhuah tlang turin a ngen bawk a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia