Myanmar a\anga Mizoram-a raltlan te Myanmar-ah thawnkir an ni leh ta

Kum 2017 kumtawp lama Myanmar Army leh Arakan Army te inkahna avanga an sahimna zawnga India ramchhung, Lawngtlai District chhimthlang lam Hmawngbuchhuah leh a chhehvel raltlana inbengbel zui ta Myanmar mi leh sa te chu niminpiah khan an ramah thawnkir an ni ta.

Myanmar Army leh Arakan Army te inkahna avanga Mizoram-a rawn raltlan te hi India sawrkar-a Home Ministry chuan thawnkir tura State sawrkar rawn hriattir tawhin June 15, 2019 leh June 25, 2019 khan thawnkir tura ruahmanna siam a lo ni tawh a. Amaherawh chu heng hunah hian rokhawlhna a awm avanga thawnkir theih an nih loh hnuah niminpiah khan Lawngtlai DC, Assam Rifles leh Lawngtlai Police te hmalakna in  thawnkir an ni. Niminpiah-a he hmalakna bul\anah hian raltlante hian an ram lama kir an duhloh avangin hun reivaklo chhung chu hmalakna khailak awm mahse, venhimna leh puihbawmna \ha tak hnuaiah mi 135 te chu Myanmar ramchhung, Varang khua ah thlah thlen an ni a, hetihlai hian ruahman lawk anga heng raltlante lo dawngsawng tura ngaih Myanmar Army leh Lawng te erawh tlailam thlengin hmuh tur an awm lo thung a, ramri pawh khauh takin Assam Rifle ten an veng nghal a ni.

India sawrkar-a Official te chuan Sawrkar pahnih ten inbiakna an neih anga raltlante hi an ram ah thlahthlen an nih thu sawiin, ni 15 chhung an eitur pawh pai tir an nih thu an sawi a. Hetihlai hian heng raltlan thawnkir te hian an ram (Myanmar)-a kir chu an duhloh thu sawiin, an ram ah an dam khawchhuah nan eitur thawhchhuah ngaihna a awm lo tih an sawi a. Hmawngbuchhuah khaw mite pawhin heng mite hi an hnampui ni mah se Foreigner an nih vangin sawrkar chuan a tihtur dik tak a ti ni-a an ngaih thu an sawi bawk.

Hetiang a raltlante thawnkir an nih tak avang hian an chenna In 54 pawh District Magistrate hriatpuina in niminpiah khan luahzui tlak lohvin tihchhiat nghal vek a ni.

Kum 2017 buaina avang hian Myanmar rama Rakhine hnam mi 1200 vel chu ramri kan in Lawngtlai District chhunga khaw pali-ah an rawn raltlan a. Sawrkarin District Administrator kaltlanga lo chhawmdawlin boruak a ralmuan hnuah \hahnem tak chu an kir leh a, a kir ve duhlo te chu tun \umah hian haw tir an ni ta a ni.