Mizoram-a VC te hnenah sum pekchhuah a ni

/
India Danpui 6th Schedule in a huam loh Village Council-te hman tur sum cheng vbc. 45.44 chu nimin khan LAD Minister, K. Lalrinliana chuan a Office a\angin a semchhuak a, Serchhip District chuan cheng nuai 459.98 a dawng a ni.
LAD Minister, K. Lalrinliana Office Chamber-a sum pekchhuahna inkhawm tawi neih ah LAD Minister chuan Mizoram-a thingtlang khuate hmasawnna hna thawhna tur sawrkar laipui a\anga sum lo kal hi a thlenna tur dik takah a thlen a, hmasawnna ruhrel \ha leh rintlak, mipuiin \angkai taka an chhawr theih tur din a nih ngei theih nan fimkhur turin DLAO te chu a chah a. Mipui pungkhawm (Gram Sabha) rawn chunga anmahni khaw bil \heuh hmasawnna hna thawh tur rua-hmanna an siam, sawrkara an thehluh ang mila sum hi dawng an nih avangin a tak taka hna an thawh ngei a, khawtlang tana chhawr nahawm tur thil \angkai siam ngei se a duh thu sawiin, a vil zui hna pawh uluk taka thawk turin DLAO te chu a chah bawk.
14th Finance Commission chuan Panchayati Raj nei velo, Non-Part IX Area-Mizoram, Meghalaya leh Nagaland-ah te Rural Local Bodies (Village Council) te tan sum a dah lova. Amaherawh chu sawrkar laipuiah rawtna siamin heng area-a Village Council ten \anpui an ngai hle a, anmahni dawmkanna tur \anpuina pe turin a ngen a. He rawtna bawhzui hian Mizoram Sawrkar chuan Ministry of Panchayati Raj hriatpuiin Ministry of Finance-ah dilna a thlen a. 6th Schedule in a huamloh Village Council-te’n an khaw hma-sawnna hna an thawh theih nan cheng vbc. 45.44 chu a pe a. He sum hi nimin khan DLAO te hnenah hian semchhuah a ni.
Sawrkar thuchhuah chuan Village Council-te chu hna \ha taka thawk tura beisei an nih thu leh an sum hmanna pawh mumal takin cash book-ah ziahluh a ngai dawn tih a tarlang a. Sum chevel leh an hnathawh te Accountant General, Mizoram leh Local Fund Audit ten uluk takin a endik zui dawn avangin VC-te chu fimkhur leh felfai taka an account te vawng tur leh \ha taka hnathawk turin sawrkar chuan a beisei a ni. Tun \uma VC te hnenah hnathawhna tur sum pekchhuah ah hian Aizawl khawpui huamchhunga Local Council leh Autonomous District Council hnuaia VC te chu an tel ve lo a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »