Kum 2018-a piang leh thi zingah mipa an tam zawk

Nikum (2018) chhung khan Mizoram-ah naupiang 20,984 awmin thi 5525 an awm bawk a, naupiang zingah hian mipa an tam zawk a, mitthi-ah pawh mipa an tam zawk bawk.
Economics & Statistics Department-in tunhnaia an tihchhuah, ‘Annual Report of Registration of Births & Deaths Mizoram 2018’ tarlan danin nikum chhunga Mizoram-a naupiang zingah hian mipa tam zawkin 10,685 an pian bakah hmeichhia 10,299 piang an awm bawk a. Chhinchhiah danin nikum chhung vek khan mitthi 5525 an awm a, heng zinga 3502 chu mipa niin hmeichhia thi 2023 an ni a, nikum chhung vek khan naupang thi 304 leh nau thi saa piang (still birth) 40 an awm nia chhinchhiah a ni bawk.
Doctor-ten damdawi In-a thi mi 3280-te thihchhan an chhuichianna, ‘Medical Certification of Causes of Death (MCCD)’ tarlan danin thihna tam ber chu kawchhung lam \halo an ni a, heng te hi Zu, Thin \halo, Pumpui na leh a dangte niin thihna zawng zawng a\anga chhutin kawchhung lam \halo vanga thi hi 19.5% a tling a ni. Chhinchhiahna a\anga a lan danin Circulatory System chu thihna thlentu pahnihna a ni a, heng te hi Thisen sang, Lung \halo leh a dangte an niin hei hi a pumpui a\anga chhutin 15.9% a tling a, pathumna chu natna hrik vanga thihna niin HIV, Ssepticemia leh Malaria te an ni a, hei hi a pumpui a\anga chhutin 15.2% a tling bawk.

Comments

Popular posts from this blog

PAN CARD an tih teh fo hi - Laldinpuia