MNF East Block Serchhip in Remna Ni vawi 33-na pualin Serchhip-ah hun an hmang

Nimin khan Serchhip-ah Remna Ni vawi 33-na pualin MNF Party chuan inkhawm an buatsaih a, he hun hi Adviser to Chief Minister, C. Lalramzauva chuan khuallian niin a hmanpui.

Lalpuithanga Hall, Serchhip Chhim Veng-a Remna Ni puala inkhawm buatsaih ah hian Adviser to Chief Minister, C. Lalramzauva chuan he huna kalkhawmte chu Remna Chibai bukin, Mizoram chu tunhma zawngin midang hnuaiah awm lova mahni rorelna a ding a nih thu leh hei hi India hnuaiah kan awm tak avanga Mizoram in zalenna a sual thu sawiin, kum 20 zet rambuai hrehawm tak tuara Hnam Sipai te an rammut hnua remna leh muanna kan neih chu a hlut dan sawifiah harsa khawpa hlu a nih thu a sawi.

Adviser to Chief Minister chuan Mizoram in Remna thuthlung kan neih chu sawichhiat tum an awm thu leh hei vang hian a \halo emaw tih mai a awl thu sawiin, thuthlung chu eng anga \ha pawh nise a hlawhtlinna chu a pawimawh ber a nih thu leh India sawrkar nena inremna an siam chu tun thlenga Remna thuthlung hlawhtling ber tia chhal a la nih thu a sawi a. He inremna hnuaiah hian India Constitution-a Article 371(G) pawh siam\hat a nih phah thu sawiin, India sawrkar nen remna an ziaha tarlan te chu tih hlawhtlin a ni deuh vek tawh tih a sawi a, tih hlawhtlin la ni lo te pawh a hlawhtlin zel theih nan hmalak a nih thu sawiin, Remna leh muanna hnuaiah loh chuan hmasawnna tak tak a awm theilo tih a sawi a, Mizoram leh Assam ramri-a harsatna awm chungchangah pawh sawrkar in hma a lak mek thu a sawi bawk.

Nimin-a Serchhip-a Remna Ni puala inkhawm hi MNF East Block President, T. Zadingliana chuan kaihruaiin Ram tana nunna hlantute sunna hun hman a ni a. MNF East Block Serchhip-a Vice President leh rambuai lai Hnam Sipai, C. Vanlalsiamthara chuan Mizoram in zalenna suala hma an lak dan leh an thil tawn hrang hrang te he hunah hian a sawi bawk a. MNF General Hqrs. a\anga Serchhip bial rawn viltu, T. Lalengthanga pawhin he hun hi rawn hmanpuiin Serchhip chu Opposition bial ni mah se lo lungngai lo turin a chah a. Serchhip bial chu Chief Minister in a duhsak thu leh nakum-a Village Council inthlanpui neih turah hnehna chang ngei tura \an la turin he huna kalkhawmte chu a chah a. MLA inthlanpui lo awm leh turah Serchhipp bial-ah MNF in MLA an neih theih ngeina tura tun a\anga \an la turin he huna kalkhawmte chu a chah bawk.

Nimin a Serchhip-a Remna Ni puala hun hman ah hian MNF Party mi leh sa \hahnem tak an tel a, MNF West Block, Thenzawl a\angin hruaitu rual ten an rawn hmanpui bawk a ni.