Medical Officer ten Measles & Rubella an zirho

 Serchhip District chhunga Medical Officer te tan nimin khan Measles & Rubella natna chung-chang zirhona neih a ni a, he hunah hian Serchhip District chhunga Medical Officer te an tel \ha hle a ni.
Serchhip CMO Conference Hall-a Measles & Rubella chungchang zirhona hun hi Serchhip CMO, Dr. Laldawngliana Sailo chuan kaihruaiin Lalhlimpuii, Surveillance Medical Officer, WHO, Mizoram chuan Powerpoint Presentation hmangin zirtirna a pe a. Measles & Rubella avanga harsatna kan tawh te sutkian a nih theih nan sawrkar in nasa taka hma a lak thu leh a danna \ha ber chu hri danna pek a nih thu a sawi a, tunah hian India sawrkar chuan Measles & Rubella chu kum 2020 hmaa thunun tumin theihtawp chhuaha hma a lak mek thu a sawi bawk.
Surveillance Medical Officer, WHO, Mizoram chuan Sentut chikhat, Measles chu India ramah kumtin thihpui tam tak an la awm thu sawiin, amaherawh chu hri danna an lo pek ve \hin te chuan nasa takin he natna avanga harsatna thleng a tihhniam thu a sawi a. Rubella pawh hi Sentut anga langchhuak a nih thu sawiin, amah-erawh chu nu in nau a pai laia alo vei a nih chuan nau chhiatna te, thi-sa a nau hrin te leh piangsual-a hrin te a awm theih thu sawiin, Doctor te chuan he natna do kawngah theihtawp an chhuah a pawimawh thu leh hri danna pek pawh ngaih pawi-mawh a \ul thu a sawi bawk.

Comments

Popular posts from this blog

PAN CARD an tih teh fo hi - Laldinpuia