Industrial Development Board \hutkhawm neih a ni

Mizoram sawrkar in Board hrang hrang a din zing ami, Industrial Development Board chu nimin khan a vawikhatna atan Commerce & Industries Minister, Dr. R. Lalthangliana hovin a Pisa-ah an \hukhawm.

Commerce & Industries Department changtu Minister leh Industrial Development Board Chairman ni bawk, Dr. R. Lalthangliana chuan kan ramchhunga kan thil tharchhuah te hlut thiam a \ul thu leh rampawn ami lakluh ngai lova kan ram chhung a\ang ngei a kan siam chhuah thilte kan chawisan thiam a \ul thu sawiin, |halai lehkhathiam tam tak, hna thawh tur fumfe nei silo te hmakhua chak zawka ngaihtuah leh an hna ngaihtuah sak chu he Industrial Development Board thiltum pawimawh tak pakhat a nih thu a sawi bawk.

He hunah hian Commerce & Industries Secretary, R. Lalramnghaka chuan PMEGP diltu ten Bank nena an indawrna kawnga harsatna awm \hin te sawi langin, heng harsatna te sutkian anih theihnan sawrkar lama hmalakna awmte a tarlang a. Margin Money ringawt beiseia loan diltu an awm \hin chu pawi a tih thu a sawi bawk. Commerece & Industries Department Director, J. Hmingthanmawia chuan he hunah hian Mizoram chhunga Industry hrang hrang dinhmunte tarlangin, Industrial Unit inziaklut 9196 awm zingah Manufacturing Unit 6862 leh Servicing Unit 2334 a awm thu a sawi bawk.