Mizoram Kailawn 2019 kalpui mek chungchang inhrilhfiahna hun Serchhip-ah hman a ni

Mizoram Planning & Programme Implementation Department hnuaia din, Mizoram Entrepreneurship Development & Monitoring Committee (MEDMOC) hmalaknaa Entreprenuership Development Scheme (EDS) chungchang inzirtirna leh Mizoram Kailawn 2019 kalpui mek chungchang inhrilhfiahna hun chu nimin khan Serchhip-ah neih a ni.

Serchhip DC’s Conference Hall-a Mizoram Kailawn Outreach/Awareness Programme hi Serchhip District Addl. DC, Chuauhnuna chuan kaihruaiin \halai tha chak \ha zawkten hnathawh tur mumal hre lova an awm lain nu leh pa, tar zawk ten rim takin hna an thawk fo \hin a. Chumi chhawkna atan chuan \halai ten kan tuina leh hlawh kan hmuhna tur eizawnna hna dap dan kawng inzirtirna hun \ha tak kan nei chu lawm-awm a tih thu a sawi a. Taima taka hna kan thawhloh chuan kan hmlam hun hi a thim viau dawn tih a sawi bawk.
He hunah hian Zorammawii Ralte, Consultant, Mizoram Consultancy Team chuan Entrepreneurship Development Scheme hmalakna chungchang sawifiahin, EDS in a tum ber chu Entrepreneur ti mekte zawnchhuah leh \anpui a ni a, IIM Calcutta nena \angkawpa hmalak anih thu leh he hmalakna atan hian Mizoram Consultancy Team chuan a t\l ang angte lo buaipuiin, Bussiness Plan Competition leh Awareness Programme te buatsaih \hin a nih thu a sawi bawk.
Mizoram Kailawn Outreach/Awareness Programme-ah hian Dr. Jonathan Lalnunsiama, District Master Trainer EDS chuan Entrepreneurship leh EDS chungchang a lem nena entirin zirtirna hun a hmang a, Entrepreneur ni tur chuan thildanglam bik thlen tir thei nih kher a ngai lova, inthlahchhawnna a\anga neih chi pawh ni lovin mahni hi kan pawimawh ber a, engkim thiam nih pawh a ngai chuang hek lo a ni, a ti a. Beidawng ve ngai lo ten hlawhtlinna an chang \hin a, bul kan \an tawh chuan pen khata hmasawn leh tura kan beih ngam a ngai a ni, a ti bawk.
He hunah hian Michael Hmingthanpuia, Mizoram Kailawn 2017/18 Finalist chuan bul a \an dan leh a hnathawh dante leh a hmalak mek dante a sawi bawk a ni.
Mizoram Kailawn-2019 hi a \um thumna niin, sumdawnna kawng thar ruahmanna \ha neite inelna tur a ni a. Hetah hian hmalakna hlawk leh awmze nei tura ngaihte ruahmanna thehlutin, chu chu mi thiamte’n a \ha \ha thlangchhuakin, sawrkar chuan an bul\anna tur lawmman a siam sak dawn a ni. He inelna a tel duh leh ruahmanna thehlut ve duh tan www.mizoramkailawn.org-ah internet kaltlanga inziahluh theih a ni ang.
Heng ruahmanna thehlut turte tan hian July ni 17 a\anga August ni 9, 2019 thleng theh-luh theih niin, mithiamte’n an thlitfim hnuah September ni 6-ah result puan a ni ang a. A tlingte hrual zuina turin Bootcamp chu September ni 16-ah buatsaih leh a ni anga. September ni 23 velah Entrepreneurship Summit neih tur niin, hetah hian lawmman pawh sem nghal a ni ang.
Mizoram Kailawn, 2019 : Business Plan Contest and E-Summit vawi 3-na hi June ni 17 khan Mizoram Chief Secretary, Lalnunmawia Chuango chuan Aijal Club-ah hawngin District hrang hrangah hun hman zui nghal a ni.

Comments

Popular posts from this blog

PAN CARD an tih teh fo hi - Laldinpuia