FOCUS District Management Unit, Serchhip ten environment humhalh nan thing\iak an phun

Fostering Climate Resilient Upland Farming System in the North East (FOCUS) District Management Unit, Serchhip District chuan sik leh sa chhe zel tur venna atana ramngaw siam hna thawhna turin nimin khan Serchhip Agriculture Complex-ah thing\iak phun hnatlang an nei.
Thing\iak phun hmaa inkhawm tawi Serchhip DAO leh FOCUS District Project Manager ni bawk chenna In kawt-a neih ah FOCUS District Project Manager chuan FOCUS chu lo neitute tih hmasawn leh tlangram loneih (Jhum Cultivation) tidanglam a, sik leh sa (environment) chhe zel tur ven hna thawktu pui ber an nih thu sawiin, environment siam\hat chu an hna pui ber a nih avang leh hemi atan hian ramngaw siam chu thil pawimawh a nih avangin hetiang hian FOCUS District Management Unit-a thawk te chuan thing\iak phun hna hi an thawk tih a sawi a. Heng thing\iak an phun tur hi Forest Department Nursery ami an lak thu leh thing\iak te chu a puitlin ngei theih nan an enkawl zui dawn thu a sawi bawk.
He hunah hian FOCUS Serchhip District Management Unit-a Asst. Manager (Planning), Lalremruatkima chuan Serchhip District-a an hmalakna hrang hrangte tarlangin, a bik takin ramngaw siam tur leh tuihna humhalh tura hma an lakna hrang hrangte a tarlang a, tunah hian Serchhip District chhunga Forest Reserved Area te an enfiah kim tawh thu leh heng hmunah te hian thing\iak phun chhunzawm zel an tum thu a sawi bawk.
Hemi hnu hian FOCUS Serchhip District Management Unit-a thawktute hian Serchhip Agriculture Complex-a Rest House leh a chhehvel-ah thing\iak chi hrang hrang kung 70 an phun a, heng te hi a chhinchhiahna mumal taka siam nghalin a puitlin ngei theih nan enkawl zui an tum a ni.
Fostering Climate Resilient Upland Farming System in the North East (FOCUS) hi Society for Climate Resilient Agriculture in Mizoram (SCRAM) hnuaia Project kallai niin International Fund for Agriculture Development (IFAD) sum hmanga kalpui a ni a. January 25, 2018 khan Project Agreement chu New Delhi-ah ziah niin kum 2018 - 2024 chhung kalpui tura ruahman a ni a. FOCUS Project hian Mizoram-a District pali (Champhai, Kolasib, Serchhip leh Mamit)-a RD Block 11-a khaw 272 a tuam mek a, Serchhip District-ah chuan khaw 42-ah hmalak tum niin Mizoram-a project kalpuina turin US Dollar 79.30 Million (cheng vbc. 539.272) ruahman a ni a. State Matching Share pawh US Dollar 11.14 Million chuang zet a ni. Serchhip District-ah pawh District Agriculture Officer, FOCUS-a District Project Manager ni bawk enkawlna hnuaiah FOCUS hi kalpui mek niin khaw 42 (VC 51)-ah hmalak a ni a, DMU Serchhip-ah hian Asst. Manager pahnih, Technical Officer pali, Circle-ah Staff 11 leh Village Level Worker 25 an awm mek a ni.

Comments

Popular posts from this blog

PAN CARD an tih teh fo hi - Laldinpuia