ICT Minister in zirlai ti\hate Laptop a sem

Information and Communication Technology Minister, Robert Romawia Royte chuan kumin HSSLC (Arts, Science, Commerce)-a Topper leh HSLC-a Topper te hnenah nimin khan lawmpuina atan Laptop a hlan.
Aizawl Vanapa Hall-a irlai ti\hate lawmpuina hunah hian ICT Minister chuan tunlai khawvel ah thiamna leh zirna \ha neih chu thil hlu ber a ni tih sawiin, hlawhtling tur chuan hun awl hman \hat leh \hahnemngaihna neih chu a pawimawh ber tih a sawi a. Topper te chu an thiamna te ram leh hnam rawngbawlna atana an hman theihna tura ‘hualna’ an nei tih entirnan Laptop te hi pek an ni tih a sawi a. Tunhnaiah Thluak hmanga inelna ah Mizote \an thar a ngai takzet tih sawiin, tih tak takna nun neih a, beihpui thlak a ngai a; taima, zir nasa leh mi hlawhtling nih tum chu a tlo ber a, ram tan pawh chung mite chu rohlu an ni, a ti bawk.
Nimin-a he hun hmanna ah hian ICT Department Special Secretary, Pi Sakshi Mittal, IAS chuan kalkhawmte lawmna thu sawiin ICT Secretary, Pu Amjad Tak, IAS chuan zirlai ti\hate lawmpuina bakah fuihna thu a sawi a. Social Media Awareness neih nghal a niin Lalengzuala, Informatics Officer-in zirlaite tana Social Media hman dan tur tha leh fimkhurna turte a sawi bawk.

Comments

Popular posts from this blog

PAN CARD an tih teh fo hi - Laldinpuia