CAB pass hmaa dan lova rawn lut hnawhchhuah duh

PRISM Party chuan nimin khan Mizoram Home Minister, Lalchamliana hnenah Citizenship Amendment Bill (CAB) pass hmaa Mizoram-a Bangladeshi a\anga dan lova rawn lut (illegal imigrant) te hnawtchhuak tura ngenna lehkha an thehlut.
Hemi chungchanga PRISM Party thuchhuah siamin a tarlan danin Mizoram-ah Dan lova Bangladesh mi cheng (Bangladeshi illegal immigrant) tam tak an awm bakah an rawn luh belh reng tih tarlangin, hetianga Bangladesh a\anga hnamdang an rawn luhbelh zel avang hian khawthlang lam ramri hawnna tur, Citizenship Amendment Bill pawh mipui bakah Political Party leh NGO zawng zawng pawhin an duh lo tih an tarlang a. Tunah hian CAB chu tharthawh leh a ni dawn tih tarlangin, “Kan duh lovin kan do leh vek dawn a. Mahse kan dodalna in engchen in nge awmzia a neih ang hriat a ni si lo. Hei vang hian Se bo hnua se kawng khar tuma buai leh ai chuan tuna Bangladeshi illegal immigrant te hnawhchhuah mai hi kawng \ha ber niin PRISM Party chuan kan hria a. Home Minister hi hma la turin kan ngen ta a ni,” an ti a. Dan ang thlapa buaina chinfel chu a \hat avangin hma la nghal turin Home Minister chu an duh thu an tarlang bawk.

Comments

Popular posts from this blog

PAN CARD an tih teh fo hi - Laldinpuia