|hangthar te thinlung-a Remna Ni pawimawhna a lian zel hi a lawmawm - Chief Minister

Mizoram sawrkar chuan nimin khan Aizawl-ah Remna Ni vawi 33-na lawmna hun a buatsaih a, he hun hi Chief Minister, Zoramthanga chuan hmanpuiin India sawrkar leh Mizoram-in remna thuthlung an ziah chu kum 33 lai ni tawh mahse \hangtharte leh a ngaipawimawhtute thinlungah Remna Ni pawimawhna a la lian zel chu lawmawm a tih thu a sawi.

Aizawl Vanapa Hall-a Remna Ni puala inkhawm ah hian Chief Minister, Zoramthanga chuan Remna Ni chu State Day nen Mizoram tan State anga Ni pawimawh leh chhinchhiahtlak ber a nih kawp thu a sawi a. Mizoram-ah remna leh muanna a awm theih nan Kohhran, Tlawmngai Pawl leh Political Party a\angte a nasa taka hma lak a nih thu a sawi a. Remna a lo awm theih nana inbiakna neih chhoh dan te sawiin Chief Minister chuan, remna thuthlung chu Pathian in a hun taka Mizo mipui a pek a ni, a ti a. Mi tam takin an theihna zawnah theuh hma la in, remna chu tu mimal thawhchhuah avang nilovin, an zavaia an thawhkhawm, Pathian in a tih famkim a nih zawk thu a sawi. Chief Minister chuan hun rei in remna leh muanna hlutzia a hril chhoh zel thu leh, he muanna hi humhim a hmang \angkai turin mitinin an mawhphruhna hre tlang tura a duh thu a sawi bawk.

Nimin a Remna Ni puala inkhawm hi Chief Secretary mawhphurhna la mektu, Lalhmingthanga chuan kaihruaiin remna chu mipuiin an hlut zual zel a \ul thu leh, a tichhe thei boruak laka venhim hna chu Mizo zawng zawng mawhphurhna a nih thu a sawi a. He huna thu sawitu dang Central YMA President, Vanlalruata leh Mizoram Kohhran Hruaitute Committee (MKHC) a\angin Rev. Lianhmingthanga Sailo te pawhin ramin hma a sawn a \ha taka a kal theihna tura bulpui pawimawh ber chu remna leh muanna a nih thu leh chu remna leh muanna chu a chawm nun zel theih nan chuan lungrual taka ram tana thawhho a pawimawh thu te an sawi bawk.

Nimin-a Remna Ni lawmna inkhawmah hian Mizoram Peace Accord ziah a nih \uma Mizoram sawrkar aiawh a hming ziaktu, khatih hunlaia Chief Secretary, Lalkhama hnenah Chief Minister chuan chawimawina thuziak a hlan a. He hunah hian Lalkhama hian thu sawi nghal in, Zoram mipui zawng zawngin remna an duh avanga Peace Accord chu lo awm a nih thu leh remna Mizoram in a neih theih nana hma lo latu te hlut zia a sawi bawk.

Remna Ni hi June 30 ni mah se kumin hian Pathianni a nih avangin nimin khan hman a ni a, he hunah hian sawrkar mi pawimawh te an tel \ha hle a ni.