Agri. Minister in hmanpui

Agriculture lama thiamthil zirna, Integrated Training Centre (ITC), Hnahthial-a Basic Agriculture Training zirlai Batch 30-na zirlai pass chhuakte puala nimin-a Passing Out Ceremony buatsaih chu Agriculture Minister, C. Lalrinsanga chuan hmanpuiin Basic Agriculture Training zir chhuak zirlai 18-te chu a lawmpui thu a sawi.
ITC a\anga zirlai pass thar te thlahna puala hun hman ah hian Agriculture Minister chuan ITC a\anga zir chhuakte chu an thiamna leh theihna te midangte tana hmang chhuak tur leh rinawmna nen kal tlat turin a chah a. ITC ti hmasawn zel tura theihtawp chhuaha hmalak a nih mek thu sawiin, Agriculture Science zirna hmunpui, Diploma Course zir theihna ni tura ruahmanna a kal mek thu a sawi bawk.
A sawi zelnaah Agriculture Minister chuan Agriculture Department hnuaia hnathawk te thawhrimna leh inpekna chu fakawm a tih thu sawiin, tunhnai maia Fall Armyworm an buaipui kawngah pawh \anpuina hna an thawk \ha takzet tih a sawi a. Agriculture Department hnuaia Crop Husbandry leh Research & Extention (R&E) an awm chu \ha a tih thu sawiin, a bik takin R&E hi kuthnathawktute hnena thiamna petu leh malsawmna thlentu pawimawh tak an ni tih sawiin, Ei leh bara kan intodelh loh chuan ramdang mite kutah kan innghat reng dawn a ni, a ti a Kan rama kan tharchhuah ngei hmanga intodelh turin hma kan la dawn a ni, a ti bawk.
ITC Hnahthial hi 4th April, 1981 ah hawn niin zirlai 810 an pass chhuak tawh a, tun \uma zirchhuakte hi zirlai 18 niin kum 2 chhung semester 4-ah Soil Science, Agronomy, Horticulture, Soil Science, Plant Protection leh General Assessment an zir a. Classroom-a inzirtirna piah lamah practical nasa taka neiin thlai hrang hrang te an ching a. Distinction-ah 2, 1st Division-ah 5 leh 2nd Division-ah 11 an pass a ni.

Comments

Popular posts from this blog

PAN CARD an tih teh fo hi - Laldinpuia