MISTIC Governing Body \hutkhawm neih a ni

Mizoram Science, Technology & Innovation Council (MISTIC) Governing Body chu niminpiah tlai khan Chief Minister, Zoramthanga hova \hukhawmin 2019-2020 Annual Plan chungchang leh hmalakna pawimawh dang ngaihtuah in an \hukhawm.

Chief Minister Conference Hall-a he \hutkhawm ah hian Chief Minister chuan naupang ten Science leh Mathematics nuam an tih theihna tur zawnga zirna kalpui \ha a tih thu sawiin, ram hmasawnna innghahna pawimawh tak pakhat a nih avangin Science leh Technology lama hmasawn zel chu ngaihpawimawh \ul a tih thu a sawi a. SEDP hnuaia Bamboo Development kalpui tum dan chungchang te sawiin, mihring mamawh oxygen pechhuaktu \ha a nih avangin environment humhalh a sik leh sa siam\hat kawngah pawh thui takin a \angkai tur thu sawi bawk.

He Meeting-ah hian sawrkar kum kalta 2018-2019 chhunga MISTIC hmalakna hrang hrang tarlan niin Mizoram puma Science lam hmasawnna leh chawilarna programme hrang hrang neih tawh tetarlan a ni a. Art & Culture Department-te nen \angkawpin Mizo hnam puan chi hrang hrang panga chu Geographical Indication Registry hnuaiah humhalh hna thawh kal mek chu GI Journal-ah publish vek an nih tawh thu sawiin, sawibuaitu tumah an awm loh chuan kumin kumtawp hian hmawrbawk theih tur a ni tih tarlan a ni.

MISTIC hi Science & Technology Directorate hnuaia Autonomous body pathum (3) zinga pakhat a ni a. Kum 1985 khan din niin Society-ah kum 2015 khan register a ni. A dang pahnih chu Mizoram Remote Sensing Application Centre (MIRSAC), kum 1988 a din, kum 2007-a Society a register leh Mizoram Science Centre (MSC), kum 2003 a din, kum 2017 a register an ni.