YMA hruaitu ten EE kawm

Nimin khan Serchhip Sub-Hqrs. YMA Vigilance & Monitoring Committee te chuan an Chairman, C. Lalrammuana hovin PWD Serchhip Division-a EE, C. Lalthlamuani chu a Office-ah kawmin Hmun\ha leh Khawbel inkar kawng siam mek chhe lutuk chungchang an sawipui a. He kawng siam mek chungchang hi Hmun\ha Branch YMA te pawhin thuneitu lamah an lo sawipui tawh bawk a ni.

Thudawn danin Hmun\ha to Khawbel inkar kawng hi PMGSY sum cheng nuai 1077 senga siam tura ruahman a ni a, kum 2014 January thla a\ang khan hna hi \anin, agreement-a a lan dan chuan thla 24 (kum 2) chhunga thawh zawh tur leh kum 2016 a zo vek tura ngaih a ni. Hetihlai hian tunah hian he hna hi thawh zawh a la nih loh mai bakah a hna thawh tawh sa pawh hi a \ha lo hle niin Hmun\ha Branch YMA hruaitute chuan an sawi a, tunah hian nuai 705 zet chu contractor hian pawisa a la tawh a, amaherawh chu a pawisa lak ang hu hian a kawng siam hian duhthu a sam lovin thawh loh ala tam hle niin YMA hruaitute chuan an sawi.

Nimin a YMA hruaitu ten an kawmna ah hian PWD Serchhip Division-a EE, Lalthla-muani chuan hnathawh \halo chungchang hi Department lam pawhin an lo hre tawh tih sawiin, theihtawpin hma an lak tur thu a sawi a, a contractor te pawh biain tun Working Season chhung ngeia zawh hman tura an lo nawr tur thu a sawi a. Department lam a\ang pawhin a hna thawktute hi an lo nawr fo tawh \hin tih sawiin, he hna hi \um 10 lai department pawhin an lo extent tawh tih a sawi bawk.

Serchhip Sub-Hqrs Vigilance & Monitoring Committee hruaitute zawhna chhangin Lalthlamuani chuan North Vanlaiphai kawng siam tura hmalak mek pawh hna \an thuai tum a ni tih a sawi a, Chhiahtlang-a UPC Biak In bul kawng min pawh a dawlna tur estimate siam tawh anih thu leh Tuichang Lei dawh pawh a Draft thar a chhuah \ep tawh thu a sawi bawk.