Community Awareness nei

National Disaster Response Force (NRDF) Guwahati leh Disater Manangement & Rehabilitation Department Serchhip te \angkawp buatsaihin nimin khan Serchhip-a zirna In hrang hranga thawktute tan 'Community Awareness-cum-Demonstration' neih a ni.
Khuarel chhiatna laka inven dan leh chhanchhuah leh chhawm-dawlna hna thawh dan inzirtirna 'Community Awareness-cum-Demonstration' hi Serchhip DC’s Conference Hall-ah neih a ni a, he hun hi Serchhip District Bawrhsap, Sangchhin Chinzah chuan hmanpuiin mihringin kan hmalam huna lo thleng tur kan hriat lawk loh avangin kan thiam tawka kan lo inbuatsaih chu a pawimawh thu leh khuarel chhiatna alo thlen thut pawha School naupangte himna tur leh chhanchhuah hna lo thawk hmasa bertu tur Zirna In hrang hrang a\anga Zirtirtu kalkhawm chu he Training hi hlawk taka hmang \angkai \heuh turin duhsakna a hlan bawk
Nimin a Serchhip-a zirtirtute tana khuarel chhiatna laka inven dan leh chetlak dan tur inzirtirna hunah hian National Disaster Response Force (NRDF) a\anga mithiamten a lem nen zirtirna an pek bakah a taka tihchhinna neih nghal a ni a, hetianga inzirtirna hi tunkar Thawhlehni khan Serchhip-a sawrkar Department Office-a thawk te tan buatsaih a lo ni tawh a ni.

Popular posts from this blog

PAN CARD an tih teh fo hi - Laldinpuia