Vote thlakna khawl chung-chang zirhona neih a ni

Nimin khan Serchhip DC Conference Hall ah EVM & VVPAT Awareness-cum-Sensitization programme chu Serchhip-a Political Party hrang hrang leh NGO hrang hrang hruaitu te tan neih a ni.

Serchhip DC’s Conference Hall-a he hun hman hi Serchhip SDO (Sadar), R. Vanrengpuia MCS chuan hawngin Political Party hrang hang chu kan hma lawka inthlanpui lo awm turah an party tan theihtawp an chhuah mai piah lamah Election Commission in ruahmanna a siam hrang hrang te zawma Official te \ha tak a thawhpui turin a sawm a. Serchhip District a inthlanna felfai leh thianghlim tak nei tur leh District dang zawng zawng te entawn tlak ni turin Election Commission in dan a siam te ngai pawimawh tura chahin, Electronic Voting Machine leh VVPAT chungchang pawh chiang taka hria a, a rintlak zia zirchhuak turin a chah bawk.

He hun ah hian Lalvenhima, MCS, Election Officer, Serchhip chuan he huna kalkhawm Political Party hrang hrang leh tlawmngai pawl aiawhte chu EVM leh VVPAT chungchang leh a hnathawh dan te hrilhfiahin, kumin a inthlanpui kan hmachhawn turah Vote thlakna khawl te hi kan hman leh dawn avangin Political Party te pawhin a hnathawh dan chiang taka an hriat a pawi-mawh thu a sawi bawk. He hunah hian zawhna leh chhanna hun te hman a ni bawk.