Serchhip-ah PMSMS kalpui chhunzawm zel a ni

/
Pradhan Mantri Surakshit Matritva Abhiyan (PMSMA) hnuaiah Nu Naupai te a thlawna Inentirna thlatin ni 9-a Sawrkar Damdawi In tinah neih \hin chu Serchhip District Hospital-ah pawh kalpui mek a ni.
Pradhan Mantri Surakshit Matritva Abhiyan (PMSMA) in a tum ber chu nu naupai in nau hrisel tak, fa \ha taka a hrin ngei theihna tura Nu naupai ten a thlawna inentirna an neih theih a bu a, hemi ang hian Naupai lai (raipuar) te chu nau an pai a\anga thla 3 leh thla 9 inkar ah Hmeichhe lam Doctor (Gynecologist) te ngeiin uluk takin an en \hin a, Investigation hrang hrangte pawh a thlawn vek a tihsak an ni bawk.
He Programme hnuaiah hian naupai lai (raipuar) in nau hrisel \ha a hrin ngei theih nana Antenatal Check-up (ANC) lak tir niin, nau an hrin hma zawng mithiamte siam chart pawimawh hrang hrang inziahna ANC Card hmangin Sawrkar Damdawi Inah a thlawna inentirna hun hman \hin a ni.
Pradhan Mantri Surakshit Matriva Abhiyan hi July 9, 2016 khan Serchhip dam-dawi In-ah hawn a ni tawh a, a tirah mi 29 te hming ziahluh nghal niin kum 2 chuang hret kalpui a nih tawh chhungin Nu naupai \hahnem tak enkawlna pek an ni tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »