Mizoram Rajya Sainik Board-in sipai bangte leh an chhungte tana hmalakna a nei - Larsap

Mizoram Larsap, Kummanam Rajasekharan chuan kum kalta chhungin Mizoram Rajya Sainik Board-in sipai bangte leh an chhungte tana hmalakna hrang hrang a neih thu sawiin, chung hmalakna te chuan rah \ha a chhuah thu a sawi.

Nimin a Aizawl Raj Bhavan-a Mizoram Rajya Sainik Board meeting vawi 16-na ah he thu hi sawiin Mizoram Governor leh Mizoram Rajya Sainik Board President ni bawk, Kummanam Rajasekharan chuan Mizoram sawrkar chuan indona a thi leh hliam tuar sipai chhungte tana chhawmdawlna (Ex-gratia) a tihpun thu sawiin, World War-II veteran leh hmeithai chhungkua 565 te hnena Rs. 97,09,000/- pek a nih thu a sawi a. Armed Forces Flag Day 2017 puala an sum khawnkhawm chu Ex-Servicemen leh hmeithai chhungkua 39-te hnena hlan a nih thu a sawiin, Sainik School Chhingchhip chuan India rama sipai school zinga a hmasa ber ni turin kum 2018-19 Academic Session a\ang khan hmeichhe zirlai naupang a luhtir thu a sawi a. Ex-Servicemen Contributory Health Scheme (ECHS) hnuaiah Mizoram-ah Polyclinic 2 a awm thu sawiin, member 5801 an awm mek thu leh tun aia zing zawka inhmuhkhawmna neih tha a tih thu a sawi bawk.

He Meeting-ah hian member-te chuan 15th Mizoram Rajya Sainik Board Meeting, July 5, 2017-a an thurelte nemnghehna neiin, an thurel bawhzuinate an thlirho a. Ex-Servicemen Contributory Health Scheme (ECHS) hnuaia rate awmsa te chu ennawn \ha an tih thu sawiin, hei hian Hospital leh mimal damdawi In ECHS hnuaia inziaklut duh pawh a tihpun phah tur thu an sawi a ni. Sawrkar laipuia Kendriya Sainik Board chuan Kolasib leh Champhai District-ah te Sainik Welfare & Resettlement Department Office hawn rem a tih thu tarlan a ni a, Sainik Welfare & Resettlement Department hnuaia post ruak hnawhkhah chungchang pawh sawiho a ni a. DG Recruiting NE Region aiawha lokal te chuan October thlaa sipai lak runpui lo awm tura diltu mi 1500 vel chauh an la nih thu sawiin, \halaiten sipai an zawm duh nan sawrkar hotute chu thawhpui ah an sawm a. Assam Rifles hotute pawhin Mizorama an inzarpharhna apianga dilna thehlut duhte \anpui an inhuam thu an sawi a ni.

Mizoram Rajya Sainik Board Meeting zawh hian Mizoram State Managing Committee chu an Chairman, Kummanam Rajsekharan hovin an \hukhawm leh a. Member Secretary leh Sainik Welfare & Resettlement Department Director ni bawk, Surg. Lt. Cdr. (Retd.) Lalnuntluanga chuan kum kalta chhunga an hmalakna te tarlangin, July 5, 2017-a Committee thurel chu nemnghehna an nei a, Amalgamated Special Fund for Reconstruction and Rehabilitation of ESM