Serchhip-III VC huamchhung ah Faina hnatlangpui nei

Serchhip-III Village Council huamchhung ami te chuan nimin khan hnatlangpui neiin an huam-chhung hmun hrang hrang thenfai hna an thawk.

Serchhip-III Village Council huamchhung ami ten hnatlangpui an neih hma hian Lalpuithanga Hall-ah VC Vice President,C. Lalhminghlua kaihhruaiin inkhawm tawi an nei a, he hunah hian Serchhip-III VCP, PC. Siamliana chuan khawpui fai inelna atan \an lak mek a ni tih sawiin, an huamchhung hmun \henkhatah loh theih lohna avangin kawng laia ran talh ngai an la awm thu a sawi a, hetianga ran talh \hinte pawhin an ran puahna hnuhma felfai taka an thian leh \hin chu entawntlak a tih thu a sawi a. Kawngpui kama thil dah hnawk lo tur te, a bikin Lalpuithanga Hall bul vel te chu Hall hmangtute lirthei dahna atan kawngpui kam tihruah a \ul thu te a sawi a. Faina chu a nun-a nunpui tur a ni tih sawiin, khawlaia thil eina paih loh a \hat thu te leh bawlhhlawh bawm hman \angkai a \ul thu te a sawi bawk.

Nimin a Serchhip-III Village Council huamchhunga Faina hnatlangpui neih ah hian an huamchhunga kawngba samfai a nih bakah inkal-pawhna Step hrang hrang leh tuihawk luankawr te thenfai a ni a, he hnatlang ah hian mi 100 chuang zet an thawkchhuak a ni. Mizoram sawrkar in khawfai inelna a buatsaih ah tunlai hi Serchhip khua enfiah hun tura ruahman a ni.