DC chhuah phutin kawng zawh

Mamit-a tlawmngai pawl hrang hrang leh Political party hrang hrang huaihawtin nimin khan Mamit DC duhlohna lantirin mipui ten kawng an zawh a,

he kawngzawh hi Charkawn a\anga DC Office thleng neih mipuite chu an DC chhuak tura phuta an aurual bakah thuziak hrang hrang an keng bawk a. Tunhnaia Document bo chung-changah Central YMA hruaitute, MZP, MSU, Sub-Hqrs. YMA hruaitute leh Group YMA hruaitute man tura thupek chhuah a ni chu an dem takzet thu pawh aupuiin, hetiang a thupek chhuahtu DC chu Mizorama a awm reng an remtih loh thu an sawi a. Hei bakah hian Mamit DC, Bhupesh Chaudhury kaihhruaina hnuaiah MLA Election thianghlim leh felfai a awm theih an rinloh thu leh DC chu Sept. ni 10 hma a Mamit a\anga sawnchhuak tura an duh thu Resolution siamin an pass bawk.